చైనా సరదా వీడియో, అమెరికాకు చురకలు

తాజా వార్తలు

Published : 01/05/2020 22:41 IST

చైనా సరదా వీడియో, అమెరికాకు చురకలు

‘ఒకానొకప్పుడు ఓ వైరస్‌ ఉండేది...’

ఇంటర్నెట్‌ డెస్క్: తాము కరోనా వైరస్‌ ప్రమాదాన్ని గురించి ఎంత హెచ్చరించినా, శ్వేతసౌధం పట్టించుకోలేదని తెలియజేస్తూ, చైనా ఓ వీడియోను విడుదల చేసింది. ‘వన్స్‌ అపాన్‌ ఏ వైరస్‌’ (ఒకానొక సమయంలో ఓ వైరస్‌ ఉండేది) అనే పేరుతో ఫ్రాన్స్‌లో చైనా రాయబార కార్యాలయం ఈ యానిమేషన్‌ వీడియోను తన ట్విటర్‌ ఖాతాలో షేర్‌ చేసింది. 1 నిమిషం 39 సెకెన్ల పాటు సాగే ఈ వీడియో నెట్టింట్లో సంచలనం సృష్టిస్తోంది. 

మరోవైపు చైనా బాధ్యతా రహితంగా ప్రవర్తించిందని... ఆ దేశం సమాచారాన్ని తొక్కిపెట్టడం వల్లే తమ దేశంలో ఇన్ని మరణాలు సంభవించాయని ట్రంప్‌ మండిపడుతున్నారు. కరోనాను ఎదుర్కోవటం, ప్రజల ప్రాణాలను రక్షించటానికే తమ తొలి ప్రాధాన్యమని... చైనాతో ఆర్థిక సంబంధాలు ఆ తరువాతే వస్తాయని ట్రంప్‌ అన్నారు. అంతేకాకుండా ఎగుమతుల ధరల విషయంలో చైనాకు హెచ్చరికలు జారీ చేశారు. అయితే తన దేశంలో కరోనా కట్టడి చేయలేక ట్రంప్‌ తమపై కత్తులు దూస్తున్నట్టుగా కనిపిస్తోందంటూ చైనా ఎదురుదాడికి దిగింది. ఈ వీడియోలో ఉన్న చైనా వ్యాఖ్యలు అసత్యమని కొందరు విమర్శిస్తుండగా, ఈ వైఖరి చైనాకు మేలు కంటే ఎక్కువగా కీడే చేయగలదని ఇంకొందరు అభిప్రాయపడుతున్నారు. ఏదిఏమైనా, ఒక రోజు కూడా గడవకుండానే ఎనిమిదిన్నర లక్షలకు పైగా వ్యూస్‌ను సొంతం చేసుకున్న ఈ సరదా వీడియోను మీరూ చూసేయండి!



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని