కరోనా ఆ దాడుల కంటే ప్రమాదకరం: ట్రంప్‌

తాజా వార్తలు

Published : 07/05/2020 12:05 IST

కరోనా ఆ దాడుల కంటే ప్రమాదకరం: ట్రంప్‌

వాషింగ్టన్‌: దేశంపై జరిగిన అన్ని దాడుల కంటే భయంకరమైన దాడిని ఇప్పుడు కొవిడ్-19 రూపంలో ఎదుర్కొంటున్నామని అమెరికా అధ్యక్షుడు డొనాల్డ్‌ ట్రంప్‌ అన్నారు. అమెరికాపై విరుచుకుపడుతున్న కరోనా వైరస్ నాటి పెరల్‌‌ హార్బర్‌, ప్రపంచ వాణిజ్య సంస్థ దాడుల కంటే కూడా ప్రమాదకరమని ట్రంప్ చెప్పారు. అసలు ఇటువంటి ఘటనలు పునరావృతం కాకుండా ఉండాలని కోరారు. కొవిడ్‌ను దాని మూలకేంద్రం అయిన చైనా వద్దే ఆపి ఉండాల్సిందని, అ విధంగా చేయలేకపోయినందుకు విచారం వ్యక్తం చేశారు. ప్రస్తుత పరిస్థితి యుద్ధానికి దారితీసే అవకాశముందా? అని ఓ విలేకరి అడిగిన ప్రశ్నకు... అసలు కరోనా వైరస్‌ను ఎదుర్కోవటమే కనపడని శత్రువుతో యుద్ధం మాదిరిగా ఉందని ట్రంప్‌ జవాబిచ్చారు. కరోనా మహమ్మారి చైనా కంటే అమెరికాకే పెద్ద శత్రువని ఆయన వెల్లడించారు.

1941లో హవాయిలో ఉన్న అమెరికా నావికా కేంద్రం పెరల్‌ హార్బర్‌పై జపాన్ ఆకస్మికంగా దాడి చేసింది. కాగా, ఈ సంఘటన రెండో ప్రపంచ యుద్ధానికి దారితీసింది. ఇక సెప్టెంబర్‌ 11, 2001లో న్యూయార్క్‌లోని ప్రపంచ వాణిజ్య సంస్థకు చెందిన ట్విన్‌ టవర్స్‌పై తీవ్రవాదులు దాడి చేశారు. హైజాక్‌ చేసిన విమానాలతో ఆ భవనాలను ఢీకొన్న సంఘటనలో 3000 మందికి పైగా మరణించారు. ఈ ఘటనతో తీవ్రవాద నిర్మూలనకు కంకణం కట్టుకున్న అమెరికా... ఇరాక్‌, అఫ్గానిస్థాన్‌ తదితర దేశాల్లో రెండు దశాబ్దాల పాటు ఏరివేత కార్యక్రమాలను నిర్వహించింది. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని