ఎంపీ రామ్మోహన్‌కు సంసద్‌ రత్న అవార్డ్‌

తాజా వార్తలు

Updated : 24/06/2020 19:32 IST

ఎంపీ రామ్మోహన్‌కు సంసద్‌ రత్న అవార్డ్‌

దిల్లీ: శ్రీకాకుళం ఎంపీ రామ్మోహన్‌ నాయకుడుకి సంసద్‌ రత్న పురస్కారం లభించింది. అతి పిన్నవయసులోనే ఈ అవార్డు అందుకున్న ఎంపీగా ఆయన రికార్డు సృష్టించారు. పార్లమెంట్‌ సభ్యునిగా కనబరిచిన అత్యుత్తమ పనితీరును గుర్తించి ఈ పురస్కారం ఇస్తారు. అలాగే ప్రజా సమస్యల పరిష్కారంలో ఎంపీలు చూపించే చొరవను గుర్తించి ఈ పురస్కారానికి ఎంపిక చేస్తారు. పార్లమెంటరీ వ్యవహారాల మంత్రి అర్జున్‌రామ్‌ మేఘవాల్‌, శ్రీరంగ్‌ అప్పా బర్నే, ఎన్‌.కె.ప్రేమ్‌చంద్రన్‌ సభ్యులుగా ఉన్న కమిటీ ఈ ఎంపిక చేపట్టింది. దేశవ్యాప్తంగా ఎనిమిది మంది పార్లమెంట్‌ సభ్యులు, ఇద్దరు రాజ్యసభ సభ్యులు, ఒక స్టాండింగ్‌ కమిటీ సభ్యుడు ఈ అవార్డుకు ఎంపికయ్యారు. ఈ సందర్భంగా ఎంపీ కింజరాపు రామ్మోహన్‌ నాయుడు మాట్లాడుతూ... జిల్లా ప్రజలు, తెదేపా, కింజరాపు అభిమానులకు ఈ పురస్కారం అంకితమిస్తున్నట్లు తెలిపారు. 

2020 సంసద్‌ రత్న విజేతలు వీరే

లోక్‌సభ సభ్యులు
* రామ్మోహన్‌ నాయుడు (ఆంధ్రప్రదేశ్‌)

సుప్రీయ సూలే (మహారాష్ట్ర)

* సుభాష్‌ రామ్‌రావ్‌ భ్రమే (మహారాష్ట్ర)

* మీనా విజయ్‌కుమార్‌ గవిట్‌ (మహారాష్ట్ర)

* అమోల్‌ రామ్‌ సింగ్‌ కోలే (మహారాష్ట్ర)

* శశి థరూర్‌ (కేరళ)

* నిశికాంత్‌ దూబె (ఝార్ఖండ్‌)

* అజయ్‌ మిశ్రా (ఉత్తర్‌ ప్రదేశ్‌)

రాజ్యసభ సభ్యులు

* విశంబర్‌ ప్రసాద్‌ నిషాద్‌ - రాజ్యసభ (ఉత్తర్‌ప్రదేశ్‌)

* చాయా వర్మ - (ఛత్తీస్‌గఢ్‌)

ఇంకా...

* పీసీ గద్దిగౌడర్‌ (వ్యవసాయ కమిటీ ఛైర్మన్‌)

ఇక గత లోక్‌సభకు సంబంధించి సంసద్‌ మహారత్న పురస్కారాలు కూడా వెల్లడించారు. భర్తృహరి మహతాబ్‌ (ఒడిశా), సుప్రియ సూలె (మహారాష్ట్ర), శ్రీరంగ్‌ అప్పా బర్నే (మహారాష్ట్ర) ఈ పురస్కారాలు గెలుచుకున్నారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని