ముంబయిలో రెడ్‌ అలెర్ట్‌!

తాజా వార్తలు

Published : 05/07/2020 03:51 IST

ముంబయిలో రెడ్‌ అలెర్ట్‌!

రానున్న 24 గంటల్లో భారీ వర్షాలు: ఐఎండీ

ముంబయి: మహారాష్ట్రలోని ముంబయి, థానే, రత్నగిరి జిల్లాలకు భారత వాతావరణ శాఖ(ఐఎండీ) శనివారం రెడ్‌ అలెర్ట్‌ జారీ చేసింది. ముంబయిలో నిన్న ఉదయం నుంచి ఎడతెరపి లేకుండా వర్షాలు కురుస్తున్నాయి. ఇప్పటికే పలు ప్రాంతాలన్నీ నీట మునిగాయి. ముంబయి పరిసర ప్రాంతాల్లో శనివారం కూడా  భారీ నుంచి అతి భారీ వర్షాలుకురిసే అవకాశం ఉందని వాతావరణశాఖ హెచ్చరికలు జారీ చేసింది. రాబోయే 24 గంటల్లో పాల్‌గ‌ఢ్‌, ముంబయి, రత్నగిరి, రాయ్‌గఢ్, థానేలలో కుండపోత వర్షాలు కురిసే అవకాశం ఉందని వెల్లడించింది. 

ఈ నేపథ్యంలో అధికారులంతా అప్రమత్తంగా ఉండాలని, ప్రజలు ఇళ్ల నుంచి బయటకు రావొద్దని ఆదేశించింది. కనీసం రెండు రోజులు ట్రాఫిక్‌, విద్యుత్తు‌ సరఫరాకు అంతరాయం ఏర్పడే అవకాశం ఉందని ఐఎండీ అంచనా వేసింది. శుక్రవారం కురిసిన వర్షాలకే ముంబయి మహానగరం అతలాకుతలం అయింది. ఉదయం 8.30 నుంచి రాత్రి 8.30 గంటల మధ్య 161.4 మి.మీ వర్షపాతం నమోదైనట్లు ఐఎండీ తెలిపింది. సముద్రంలో అలలు భారీ స్థాయిలో ఎగిసిపడుతున్న నేపథ్యంలో ప్రజవెవరూ తీరంవైపు వెళ్లొద్దని సూచించింది. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని