close

తాజా వార్తలు

Updated : 30/11/2020 07:35 IST
Facebook Share Twitter Share WhatsApp Share Telegram Share

ప్రపంచంలోనే అత్యంత చిన్న మెమరీ సాధనం

అమెరికా శాస్త్రవేత్తల ఘనత

హ్యూస్టన్‌: ప్రపంచంలోనే అత్యంత చిన్న మెమరీ సాధనాన్ని అమెరికాలోని టెక్సాస్‌ విశ్వవిద్యాలయ శాస్త్రవేత్తలు అభివృద్ధి చేశారు. చిన్నపాటి మెమరీ సాధనాల్లో నిల్వ సాంద్రతను పెంచేందుకు అవసరమైన భౌతికశాస్త్ర నియమాలను పరిశోధకులు గుర్తించారు. వాటిలోని అత్యంత సూక్ష్మమైన రంధ్రాలతో అ సామర్థ్యాన్ని సాధించొచ్చని తేల్చారు. ‘‘ఆ నానో రంధ్రంలోకి ఒక లోహపు పరమాణువును ప్రవేశపెట్టాలి. ఫలితంగా ఆ పరమాణువు తన విద్యుత్‌ వాహక సామర్థ్యంలోని కొంత భాగాన్ని నిల్వ సాధనానికి కట్టబెడుతుంది. ఆ పరికరంలో డేటా నిల్వ సామర్థ్యం పెరగడానికి ఇది దోహదపడుతుంది’’ అని పరిశోధనలో పాలుపంచుకున్న దేజి అకిన్‌వాండే చెప్పారు. ప్రస్తుతం అత్యంత పలుచటి మెమరీ సాధనంగా ‘ఆటమ్‌రిస్టర్‌’ గుర్తింపు పొందింది. దీని మందం ఒక పరమాణు పొర స్థాయిలో ఉంటుంది. కొత్త పరిజ్ఞానంతో దీని పరిమాణాన్ని శాస్త్రవేత్తలు మరింత తగ్గించారు. ఫలితంగా దాని వెడల్పు ఒక చదరపు నానోమీటరుకు పరిమితమైంది. పరిశోధనలో భాగంగా మోలిబ్డినమ్‌ డైసల్ఫైడ్‌ పదార్థాన్ని ఉపయోగించారు. తాజా సాధనం.. చదరపు సెంటీమీటరుకు 25 టెరాబిట్ల నిల్వ సామర్థ్యాన్ని కలిగి ఉండడం విశేషం.


Tags :

జాతీయ-అంతర్జాతీయ

జిల్లా వార్తలు
బిజినెస్‌
మరిన్ని
జాతీయ- అంతర్జాతీయ
మరిన్ని
పాలిటిక్స్
మరిన్ని
సినిమా
మరిన్ని
క్రీడలు
మరిన్ని
క్రైమ్
మరిన్ని