కొమ్ము దమ్ము ఏంటో తెలిసింది

తాజా వార్తలు

Published : 31/07/2021 14:18 IST

కొమ్ము దమ్ము ఏంటో తెలిసింది

లెక్సింగ్టన్‌: మానవ కణాల్లోకి ఇన్‌ఫెక్షన్‌ చొప్పించడంలో ముఖ్య పాత్ర పోషిస్తున్న కరోనా వైరస్‌లోని స్పైక్‌ ప్రొటీన్‌ గురించి శాస్త్రవేత్తలు కీలక విషయాలను వెలుగులోకి తెచ్చారు. సమర్థ వ్యాక్సిన్లు, ఔషధాలను అభివృద్ధి చేయడానికి ఈ ఆవిష్కారం వీలు కల్పిస్తుందని వారు తెలిపారు. అమెరికాలోని కెంటకీ విశ్వవిద్యాలయ శాస్త్రవేత్తలు ఈ పరిశోధన చేశారు.

కొవిడ్‌-19 కారక కరోనా వైరస్‌ ఉపరితలంపై కొమ్ము ఆకృతిలో ఈ స్పైక్‌ ప్రొటీన్‌ ఉంటుంది. మానవుల్లో ఇన్‌ఫెక్షన్‌ను కలిగించడంలో ఇది పోషిస్తున్న పాత్ర దృష్ట్యా అనేక వ్యాక్సిన్లకు లక్ష్యంగా మారింది. ‘‘ఈ ప్రొటీన్‌ పనితీరుపై మరింత సమగ్ర అవగాహనకు మా పరిశోధన దోహదపడుతోంది’’ అని పరిశోధనకు నాయకత్వం వహించిన బెకీ డచ్‌ చెప్పారు. ఈ స్పైక్‌ ప్రొటీన్‌ ఎంత స్థిరంగా ఉంటుంది, కణాల మధ్య ఇన్‌ఫెక్షన్‌ వ్యాప్తికి ఎలా దోహదపడుతోంది.. వంటి అంశాలను తాము వెలుగులోకి తెచ్చామన్నారు. కరోనాలో తలెత్తే ఉత్పరివర్తనలు ఈ ప్రొటీన్‌ స్థిరత్వం, పనితీరుపై చూపే ప్రభావాన్ని పరిశీలించారు. మానవులను ఇంతలా కలవరపెడుతున్న ఈ స్పైక్‌ ప్రొటీన్‌ ఆయువు 24 గంటలేనని శాస్త్రవేత్తలు తేల్చారు. ఆలోపే చాలావరకూ అవి క్షీణిస్తాయని గుర్తించారు. ఇన్‌ఫెక్షన్‌ ప్రక్రియ, వ్యాక్సినేషన్‌పై మరింత అవగాహనకు ఈ ఆవిష్కారం వీలు కల్పిస్తుంది. ఎందుకంటే ఎంఆర్‌ఎన్‌ఏ టీకాలు.. స్పైక్‌ ప్రొటీన్‌ను ఉత్పత్తి చేయాలని మానవ కణాలకు సూచనలు అందిస్తాయి. వాటి ఆధారంగా మానవరోగ నిరోధక వ్యవస్థ స్పందించి.. యాంటీబాడీలను ఉత్పత్తి చేస్తుంది.  


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని