Delta Variant: డెల్టా జోరుకు ఇవే కారణాలు.. 

తాజా వార్తలు

Updated : 08/09/2021 10:59 IST

Delta Variant: డెల్టా జోరుకు ఇవే కారణాలు.. 

అధిక సాంక్రమిక శక్తి, రోగ నిరోధక వ్యవస్థకు టోపీ

దిల్లీ: భారత్‌ సహా అనేక దేశాల్లో వెలుగు చూసిన కరోనా కేసుల్లో సింహభాగాన్ని ఆక్రమించిన డెల్టా వేరియంట్‌కు నిర్దిష్టంగా ఈ జోరు ఎక్కడి నుంచి వచ్చిందన్నది శాస్త్రవేత్తలు నిర్ధరించారు. యాంటీబాడీలను ఏమార్చే సామర్థ్యం, అధిక సాంక్రమిక శక్తి కారణంగా దీని ఉద్ధృతి పెరిగినట్లు అంతర్జాతీయ శాస్త్రవేత్తల బృందం తేల్చింది. ల్యాబ్‌లో ప్రయోగాలు నిర్వహించడంతోపాటు, టీకా పొందాక కూడా ఇన్‌ఫెక్షన్‌ బారినపడిన వారి తీరుతెన్నులను పరిశీలించింది. ఇందుకోసం గతంలో కరోనా బారినపడటం లేదా ఆస్ట్రాజెనెకా/ ఫైజర్‌ టీకాలను పొందిన వ్యక్తుల నుంచి సేకరించిన సీరంను పరిశోధకులు పరిశీలించారు. ఇందులో యాంటీబాడీలు ఉంటాయి. డెల్టా వేరియంట్‌పై.. మునుపటి ఇన్‌ఫెక్షన్‌ వల్ల కలిగిన యాంటీబాడీలు 5.7 రెట్లు తక్కువగా, టీకా వల్ల ఉత్పత్తయిన యాంటీబాడీలు 8 రెట్లు తక్కువగా సున్నితత్వాన్ని చూపాయని శాస్త్రవేత్తలు వివరించారు. వ్యక్తుల్లో ప్రస్తుతమున్న రోగ నిరోధక రక్షణను ఏమార్చడంలో డెల్టా వేరియంట్‌ సమర్థతను చాటుతున్నట్లు ఈ పరిశోధనలో పాల్గొన్న పార్థా రక్షిత్‌ చెప్పారు. శరీరంలోకి ప్రవేశించాక ఈ రకం వైరస్‌ చాలా వేగంగా తన ప్రతులను పెంచుకుంటున్నట్లు కూడా తేల్చారు. ఇతర వేరియంట్ల కన్నా ఇది వేగంగా ఇతరులకు వ్యాప్తి చెందుతున్నట్లు గుర్తించారు. ‘‘భారత్‌లో కొవిడ్‌ రెండో ఉద్ధృతికి ఈ అంశాలు కారణమై  ఉండొచ్చు. ఆ సమయంలో వెలుగు చూసినవాటిలో సగం కేసులు.. అంతకుముందు ఇతర వేరియంట్లతో ఇన్‌ఫెక్ట్‌ అయినవారే’’ అని బ్రిటన్‌లోని కేంబ్రిడ్జ్‌ విశ్వవిద్యాలయానికి చెందిన రవీంద్ర గుప్తా పేర్కొన్నారు.  


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని