Supreme Court: విడిపోయిన దంపతులను ఒక్కటి చేసిన సుప్రీం

తాజా వార్తలు

Updated : 05/08/2021 08:14 IST

Supreme Court: విడిపోయిన దంపతులను ఒక్కటి చేసిన సుప్రీం

దిల్లీ: విడిగా ఉంటున్న దంపతులను సుప్రీంకోర్టు ప్రధాన న్యాయమూర్తి జస్టిస్‌ ఎన్‌.వి.రమణ నేతృత్వంలోని ధర్మాసనం ఒక్కటి చేసింది! పుణెకు చెందిన భర్త, రాంచీకి చెందిన భార్యతో వీడియో ద్వారా సంభాషించింది. సదరు వ్యక్తి భార్యను వేధింపులకు గురిచేస్తుండటంతో ఆమె కేసు పెట్టింది. దీంతో బెయిల్‌ కోరుతూ ఆయన సుప్రీంకోర్టును ఆశ్రయించారు. మరోవైపు- భార్యపై విడాకులు సహా పలు కేసులు వేశారు. ఈ వ్యవహారం బుధవారం జస్టిస్‌ ఎన్‌.వి.రమణ, జస్టిస్‌ సూర్యకాంత్‌ల ధర్మాసనం ముందుకు వచ్చింది. జస్టిస్‌ సూర్యకాంత్‌ కక్షిదారులు ఇద్దరితో హిందీలో మాట్లాడారు. భర్త దగ్గరకు వెళ్లడం తనకు ఇష్టమేనని భార్య చెప్పింది. దీంతో ‘‘మీ భార్యపై పెట్టిన కేసులను ఉపసంహరించుకోండి. 2 వారాల్లో అఫిడవిట్‌ సమర్పించండి. అదే సమయంలో భార్యను మీతోపాటు తీసుకెళ్లండి. కొన్ని రోజులు మీ ప్రవర్తనను గమనిస్తాం. కోర్టుకు ఇచ్చిన హామీని నిలబెట్టుకోవాలి. లేదంటే మళ్లీ మీరు జైలుకు వెళ్లాల్సి ఉంటుంది’’ అని పేర్కొన్నారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని