close

తాజా వార్తలు

Published : 23/02/2021 22:46 IST
Facebook Share Twitter Share WhatsApp Share Telegram Share

మన ఆరోగ్యరంగ బలాన్ని ప్రపంచం గుర్తించింది

ప్రధాని మోదీ

దిల్లీ: దేశ ప్రజల ఆరోగ్య భద్రతకు ప్రభుత్వం సమగ్ర విధానాలు చేపడుతోందని, కేవలం చికిత్సపైనే కాకుండా సంరక్షణపై కూడా దృష్టిపెట్టిందని ప్రధానమంత్రి నరేంద్రమోదీ తెలిపారు. 2021-22 కేంద్ర బడ్జెట్‌లో ఆరోగ్య కేటాయింపులపై ప్రధాని నేడు వెబినార్‌లో మాట్లాడారు. ఈ ఏడాది బడ్జెట్‌లో ఆరోగ్యరంగానికి అసాధారణ కేటాయింపులు చేశామని తెలిపారు. భారత్‌ను ఆరోగ్యంగా ఉంచేందుకు ప్రభుత్వం ఏకకాలంలో నాలుగు అంశాలపై పనిచేస్తోందని మోదీ తెలిపారు. వ్యాధులను నివారించడం, ఆరోగ్యంపై అవగాహన కల్పించడం, అందరికీ వైద్య సేవలు అందించడం, వైద్యరంగంలో మౌలిక వసతుల నాణ్యత, పరిమాణాలు పెంచడం వంటి వాటిపై ప్రభుత్వం కీలకంగా దృష్టిపెట్టిందని వివరించారు. 

ఈ సందర్భంగా కొవిడ్‌ ముప్పును భారత్‌ సమర్థంగా ఎదుర్కొన్న తీరును మోదీ మరోసారి ప్రస్తావించారు. కొవిడ్‌ మనకు ఎన్నో పాఠాలు నేర్పిందని, భవిష్యత్‌లో ఇలాంటి సవాళ్లను ఎలా ఎదుర్కోవాలో తెలియజేసిందన్నారు. మహమ్మారి సమయంలో భారత ఆరోగ్య రంగ బలాన్ని ప్రపంచం గుర్తించిందని తెలిపారు. భవిష్యత్తులో మన డాక్టర్లు, పారామెడికల్‌ సిబ్బందికి ప్రపంచవ్యాప్తంగా మరింత డిమాండ్‌ పెరుగుతుందని తెలిపారు. మన స్వదేశీ కొవిడ్‌ టీకాలకు అంతర్జాతీయంగా డిమాండ్‌ పెరుగుతున్న నేపథ్యంలో దేశం కూడా అందుకు అనుగుణంగా సన్నద్ధమవుతోందని మోదీ చెప్పారు.


ఇవీ చదవండి


Tags :

జాతీయ-అంతర్జాతీయ

జిల్లా వార్తలు
బిజినెస్‌
మరిన్ని
జాతీయ- అంతర్జాతీయ
మరిన్ని
పాలిటిక్స్
మరిన్ని
సినిమా
మరిన్ని
క్రీడలు
మరిన్ని
క్రైమ్
మరిన్ని