Fuel Prices: ఇంధన మంట.. ప్రజల తంటా..!

తాజా వార్తలు

Updated : 06/07/2021 14:06 IST

Fuel Prices: ఇంధన మంట.. ప్రజల తంటా..!

ధరల పెరుగుదలతో సామాన్యుడి ఆపసోపాలు

ఇంటర్నెట్‌ డెస్క్‌: పెట్రోల్ ధరల నుంచి సామాన్యుడికి ఇప్పుడిప్పుడే ఊరట లభించేలా కనిపించడంలేదు. చమురు ధరలు నిర్విరామంగా పెరుగుతూ వాహనదారుడిపై మరింత భారాన్ని మోపుతున్నాయి. రెండు నెలల క్రితం మొదలైన ఇంధన ధరల పెంపు ఇప్పటికీ కొనసాగుతూనే ఉంది. రెండు నెలల కాలంలో లీటర్ పెట్రోల్‌పై చమురు సంస్థలు దాదాపు రూ.10 పెంచగా.. లీటర్ డీజిల్‌పై రూ.9 పెంచాయి. నిరంతర ప్రక్రియలా మారిపోయిన పెట్రో ధరల బాదుడుతో బండి బయటికి తీయాలంటేనే వాహనదారుడి గుండె గుబేలుమంటోంది. ఎలాంటి వాహనాలూ లేని సాధారణ పౌరుడు కూడా పెట్రో బాదుడుకు బాధితుడిగా మారుతున్నాడు.

దేశంలో ఇంధన ధరల పెరుగుదల ప్రత్యక్షంగానో, పరోక్షంగానో పౌరులపై ఆర్థిక భారం మోపుతోంది. డీజిల్‌ ధరలు పెరగడంతో రవాణా ధరలు తడిసి మోపెడవుతున్నాయి. ఈ పెరుగుదల నిత్యావసరాలపై ప్రభావం చూపుతోంది. దీంతో నిత్యావసరాలైన కూరగాయలు, ఇతర సరకుల ధరలు ఆకాశాన్నంటుతున్నాయి. ఔషధాల ధరలు సైతం అమాంతం పెరిగిపోయాయి. దీంతో నిత్యావసరాలు కొనేందుకు పేదలు ఆపసోపాలు పడుతున్నారు. కొన్ని సరకులు కొనేందుకు ముందుకు రావడంలేదు. డీజిల్‌ ధరల పెరుగుదలతో పలు రాష్ట్రాల్లో బస్‌ ఛార్జీలు, ఆటో ఛార్జీలు కూడా పెరిగిపోయాయి.

పశ్చిమ బెంగాల్‌ ఎన్నికల సమయంలో వరుసగా 18 రోజులపాటు స్థిరంగా ఉన్న ఆ తర్వాత మే 4 నుంచి వరుసగా పెరుగుతూ వస్తున్నాయి. సోమవారం పెట్రోల్‌పై రూ.35 సైసలు పెంచుతూ చమురు సంస్థలు నిర్ణయం తీసుకున్నాయి. మే నెల నుంచి ఇప్పటివరకు మొత్తం 35 సార్లు పెట్రోల్‌ ధరల్ని పెంచగా డీజిల్‌ ధరలను 33 సార్లు పెంచింది. దీంతో ఇప్పటికే 14 రాష్ట్రాల్లో పెట్రోల్‌ ధర సెంచరీ దాటింది. రాజస్థాన్‌, ఒడిశా, మధ్యప్రదేశ్‌లో లీటర్‌ డీజిల్‌ ధర కూడా రూ.100 దాటింది. అంతర్జాతీయంగా చమురు ధరలు పెరగడంతోనే దేశీయంగా ఇంధన ధరలకు రెక్కలొచ్చినట్లు కేంద్ర ప్రభుత్వం పేర్కొంటోంది.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని