ఐసీఎస్‌ఈ 10, 12పరీక్షలు వాయిదా 

తాజా వార్తలు

Updated : 16/04/2021 19:49 IST

ఐసీఎస్‌ఈ 10, 12పరీక్షలు వాయిదా 

దిల్లీ: కరోనా ఉద్ధృతి అంతకంతకూ పెరిగిపోతున్న తరుణంలో ఐసీఎస్‌ఈ బోర్డు పరీక్షలు సైతం వాయిదా పడ్డాయి. కరోనా పరిస్థితులను దృష్టిలో ఉంచుకొని ఐసీఎస్‌ఈ పది, 12వ తరగతి పరీక్షలను వాయిదా వేస్తున్నట్టు ద కౌన్సిల్‌ ఫర్‌ ద ఇండియన్‌ స్కూల్‌ సర్టిఫికెట్‌ ఎగ్జామినేషన్స్‌ (సీఐఎస్‌సీఈ) ఓ ప్రకటనలో వెల్లడించింది. పరీక్షల నిర్వహణపై తుది నిర్ణయాన్ని జూన్‌ తొలి వారంలో వెల్లడిస్తామని స్పష్టంచేసింది. ఇప్పటికే సీబీఎస్‌ఈ పదో తరగతి పరీక్షలు రద్దు కాగా.. 12వ తరగతి పరీక్షలను కేంద్రం వాయిదా వేసిన విషయం తెలిసిందే. సీబీఎస్‌ఈ పరీక్షల తరహాలో తెలంగాణ సహా పలు రాష్ట్రాలు పది తరగతి పరీక్షలు రద్దు చేయడంతో పాటు మిగతా పరీక్షలను వాయిదా వేస్తూ నిర్ణయం తీసుకున్నాయి.


* తెలంగాణలో శనివారం జరగాల్సిన ఎస్సీ గురుకుల ప్రతిభ కళాశాలల రెండో ప్రవేశ పరీక్ష వాయిదా పడింది. కరోనా తీవ్రత కారణంగా సీఓఈ రెండో స్క్రీనింగ్ పరీక్ష వాయిదా వేస్తున్నట్లు ఆర్.ఎస్. ప్రవీణ్ కుమార్ తెలిపారు.

* 2020-21 సంవత్సరానికి గానూ పోస్ట్ మెట్రిక్ ఉపకార వేతనాల దరఖాస్తు గడువును కూడా పొడిగించారు. కొత్త, రెన్యూవల్ దరఖాస్తుల కోసం మే 31 వరకు ఈ పాస్ పోర్టల్ పనిచేయనుందని సంబంధిత అధికార వర్గాలు తెలిపాయి.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని