సుదీర్ఘంగా భారత్‌-చైనా పదో విడత చర్చలు

తాజా వార్తలు

Published : 21/02/2021 10:17 IST

సుదీర్ఘంగా భారత్‌-చైనా పదో విడత చర్చలు

దిల్లీ: భారత్‌, చైనా మధ్య పదో విడత కోర్‌‌ కమాండర్‌ స్థాయి చర్చలు ఆదివారం ముగిశాయి. వాస్తవాధీన రేఖ వెంబడి ఉన్న దెప్సాంగ్‌, గోగ్రాహైట్స్‌, హాట్‌స్ప్రింగ్స్‌ వద్ద బలగాల ఉపసంహరణే ప్రధాన అజెండాగా ఈ చర్చలు జరిగినట్లు పీటీఐ పేర్కొంది.  

చైనా భూభాగంలోని మాల్దో స్థావరంలో శనివారం ఉదయం 10 గంటలకు ప్రారంభమైన పదో విడత చర్చలు ఆదివారం తెల్లవారుజామున 2గంటల వరకు కొనసాగాయి. దాదాపు 16 గంటలసేపు ఇరు దేశాల కోరు కమాండర్ల మధ్య చర్చలు జరిగాయి. భారత్‌ తరపున లెఫ్టినెంట్‌ జనరల్‌ పీజీకే మీనన్‌, చైనా తరపున ల్యూ లిన్‌ నేతృత్వంలో చర్చలు జరిగాయి. ఇరుదేశాల సరిహద్దుల్లోని దెప్సాంగ్‌‌, హాట్‌ స్ప్రింగ్స్‌, గోగ్రా హైట్స్‌ ప్రాంతాల్లో బలగాల ఉపసంహరణే ప్రధాన లక్ష్యంగా ఈ సమావేశంలో చర్చించినట్లు తెలుస్తోంది.  కాగా ఇప్పటికే శుక్రవారం పాంగాంగ్‌ సరస్సుకు ఇరువైపులా భారత్‌, చైనాల బలగాల ఉపసంహరణ పూర్తైన విషయం తెలిసిందే. 

భారత్‌-చైనా సరిహద్దుల్లో పాంగాగ్‌ సరస్సు వద్ద తొమ్మిది నెలలుగా ప్రతిష్టంభన కొనసాగుతున్న విషయం తెలిసిందే. ఇక్కడ వివాదానికి తెరదించుతూ చైనా రక్షణ శాఖ కొన్నాళ్ల కిందట కీలక ప్రకటన చేసింది. తూర్పు లద్దాఖ్‌లోని పాంగాంగ్‌ సరస్సు ఉత్తర, దక్షిణ ప్రాంతాల నుంచి భారత్‌-చైనా బలగాల ఉపసంహరణ ప్రక్రియ ప్రారంభించినట్లు దానిలో పేర్కొంది. ఆ తర్వాత దాన్ని భారత రక్షణ మంత్రి రాజ్‌నాథ్‌సింగ్ పార్లమెంట్‌లో‌ ధ్రువీకరించారు. మాస్కోలో జరిగిన ఇరుదేశాల విదేశంగమంత్రుల సమావేశం, ఇటీవల జరిగిన తొమ్మిదో రౌండ్‌ కోర్‌ కమాండర్‌ స్థాయి చర్చల ఫలితంగా ఈ నిర్ణయం వెలువడినట్లు చైనా విదేశాంగ ప్రతినిధి వాంగ్‌ వెన్‌బిన్‌ పేర్కొన్నారు.  
 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని