కొవిడ్ సెకండ్ వేవ్‌: ఏప్రిల్‌లో గరిష్ఠానికి..

తాజా వార్తలు

Updated : 25/03/2021 17:56 IST

కొవిడ్ సెకండ్ వేవ్‌: ఏప్రిల్‌లో గరిష్ఠానికి..

నివేదిక వెల్లడించిన ఎస్‌బీఐ

దిల్లీ: దేశవ్యాప్తంగా కరోనా సెకండ్‌ వేవ్‌ విజృంభిస్తోంది. గత కొద్ది రోజులుగా దేశంలో విపరీతంగా పాజిటివ్‌ కేసులు పెరగడం ఆందోళన కలిగిస్తోంది. ఈ మేరకు భారత్‌లో కరోనా సెకండ్‌ వేవ్ ప్రవేశించిందని ప్రభుత్వం ఇప్పటికే ప్రకటించింది. అయితే దేశంలో ఫిబ్రవరి నుంచి పాజిటివ్‌ కేసుల సంఖ్య గణనీయంగా పెరగడం కొవిడ్‌ సెకండ్ వేవ్ వ్యాప్తికి నిదర్శనమని స్టేట్‌ బ్యాంక్ ఆఫ్‌ ఇండియా(ఎస్‌బీఐ) తాజా నివేదికలో వెల్లడించింది. ‘ సెకండ్‌ వేవ్‌ ఫిబ్రవరి 15 నుంచి 100 రోజులు ఉండనుంది. దీంతో రానున్న ఏప్రిల్ మధ్య నాటికి దేశవ్యాప్తంగా వైరస్‌ తీవ్రరూపం దాల్చనుంది. ప్రస్తుత పరిస్థితుల దృష్ట్యా దేశవ్యాప్తంగా దాదాపు 25 లక్షల మంది సెకండ్ వేవ్‌లో వైరస్‌ బారిన పడే అవకాశం ఉంది’ అని బ్యాంకు నివేదిక ద్వారా అంచనా వేసింది. 

లాక్‌డౌన్‌, ఆంక్షలు విధించడం వైరస్‌ వ్యాప్తిపై అంతగా ప్రభావం చూపకపోవచ్చు. ఇప్పటికే పెరిగిపోతున్న పాజిటివ్‌ కేసుల వల్ల దేశంలో కొన్ని వ్యాపార రంగాలు ఆర్థికంగా క్షీణించాయి. ప్రస్తుతం కొన్ని రాష్ట్రాల్లో లాక్‌డౌన్‌, ఆంక్షలు విధించడంతో మరిన్ని వ్యాపార రంగాలు ఆర్థికంగా దెబ్బతినే అవకాశం ఉంది. కరోనా కట్టడికి వ్యాక్సినేషన్‌ ప్రక్రియ ఒక్కటే సరైన మార్గంలా కనిపిస్తోందని ఎస్‌బీఐ పేర్కొంది. ప్రస్తుతం దేశవ్యాప్తంగా 34 లక్షల డోసులను పంపిణీ చేస్తున్నారు. వీటిని రోజుకి 40 నుంచి 45 లక్షలకు పెంచినప్పటికీ.. 45 ఏళ్లకు పైన వారందరికీ టీకా అందించడానికి మరో నాలుగు నెలల సమయం పట్టే అవకాశం ఉందని ఎస్‌బీఐ నివేదిక అంచనా వేసింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని