Sea Breaker: సీ బ్రేకర్‌ను ఆవిష్కరించిన ఇజ్రాయెల్‌..!

తాజా వార్తలు

Published : 30/06/2021 16:13 IST

Sea Breaker: సీ బ్రేకర్‌ను ఆవిష్కరించిన ఇజ్రాయెల్‌..!

ఇంటర్నెట్‌డెస్క్‌: ఇజ్రాయెల్‌కు చెందిన రక్షణ పరికరాల తయారీ సంస్థ రఫేల్‌ అడ్వాన్స్‌డ్‌ డిఫెన్స్‌ సిస్టమ్‌ సరికొత్త క్షిపణినిని ఆవిష్కరించింది. ఈ 5వ తరం క్షిపణి పేరు సీ బ్రేకర్‌గా పేర్కొంది. ఇది స్వీయనియంత్రణలో సుదూర లక్ష్యాలను గురితప్పకుండా ఛేదిస్తుందని కంపెనీ పేర్కొంది. ముఖ్యంగా ఈ క్షిపణి శతఘ్ని దళం, నావికా దళానికి అదనపు బలాన్నిస్తుందని కంపెనీ పేర్కొంది. భూమిపై నుంచి నౌకలపై నుంచి దీనిని ప్రయోగించవచ్చు. 

మేకిన్‌ ఇండియా కింద ఈ ఆయుధాన్ని భారత్‌కు కూడా ఆఫర్‌ చేయవచ్చని ఆంగ్లవెబ్‌సైట్‌ ది ప్రింట్‌ పేర్కొంది. ఇప్పిటికే రఫేల్‌కు భారత్‌లో కల్యాణి గ్రూప్‌తో జాయింట్‌ వెంచర్‌ ఉంది. దీనిని కల్యాణి రఫేల్‌ అడ్వాన్స్‌డ్‌ సిస్టమ్స్‌గా వ్యవహరిస్తారు. ఈ సంస్థ మార్చి నుంచి కిట్స్‌ అనే సర్ఫేస్‌ టు ఎయిర్‌ మిసైల్‌ను తయారు చేస్తోంది. ఇదే సంస్థతో భారత్‌లో దీనిని ఉత్పత్తి చేసే అవకాశం ఉంది.భారత్‌ వద్ద ఇప్పటికే బ్రహ్మోస్‌ ఉంది. దానికి సీ బ్రేకర్‌కు పోలికలు ఉంటాయి.

ఈ క్షిపణి నాలుగు మీటర్ల కంటే తక్కువ పొడవు, 400 కేజీల కంటే తక్కువ బరువు ఉంటుంది. దీనిపై 113 కిలోల వార్‌హెడ్‌ను అమర్చవచ్చు. ఇది దాదాపు 226 కిలోల ఎంకే 82 బాంబు అంత విస్ఫోటాన్ని  సృష్టిస్తుంది. ఇది ఒక ఫ్రిగేట్‌ సైజు నౌకను ముంచేయగలదు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని