Parliament: జులై 19నుంచి వర్షాకాల సమావేశాలు

తాజా వార్తలు

Published : 12/07/2021 15:54 IST

Parliament: జులై 19నుంచి వర్షాకాల సమావేశాలు

కొవిడ్‌ నిబంధనల నడుమ కొనసాగుతాయన్న లోక్‌సభ స్పీకర్‌

దిల్లీ: జులై 19 నుంచి ప్రారంభం కానున్న పార్లమెంట్‌ వర్షాకాల సమావేశాలు కొవిడ్‌ నిబంధనల నడుమ కొనసాగుతాయని లోక్‌సభ స్పీకర్‌ ఓం బిర్లా వెల్లడించారు. ఇప్పటికే మెజారిటీ సభ్యులు వ్యాక్సిన్‌ తీసుకున్నారని.. ఒకవేళ టీకా తీసుకోని వారు సమావేశాల సమయంలో ఆర్‌టీ-పీసీఆర్‌ పరీక్ష చేయించుకోవాలని సూచించారు. వర్షాకాల సమావేశాలకు సంబంధించిన ఏర్పాట్లను పరిశీలించిన లోక్‌సభ స్పీకర్‌ ఓం బిర్లా.. పార్లమెంట్‌ కాంప్లెక్స్‌లో విలేకరులతో మాట్లాడారు.

ఇప్పటివరకూ 323 మంది ఎంపీలు కరోనా వ్యాక్సిన్‌ను పూర్తిస్థాయిలో తీసుకున్నారని లోక్‌సభ స్పీకర్‌ తెలిపారు. ఇతర ఆరోగ్య కారణాల వల్ల మరో 23 మంది వ్యాక్సిన్‌ తీసుకోలేదని చెప్పారు. రెండు సభలు ఏకకాలంలోనే ఉదయం 11గంటలకు ప్రారంభమవుతాయన్నారు. ఇక ఈసారి పార్లమెంట్‌ వర్షాకాల సమావేశాలు జులై 19న మొదలై ఆగస్టు 13 వరకు కొనసాగనున్నాయి. అయితే, దేశంలో కరోనా ఉద్ధృతి కారణంగా గత మూడు సమావేశాల వ్యవధిని కుదించగా.. గతేడాది శీతాకాల సమావేశాలు మాత్రం రద్దయిన విషయం తెలిసిందే.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని