Covid: 40% జిల్లాల్లో 20% పాజిటివిటీ రేటు
close

తాజా వార్తలు

Updated : 09/05/2021 11:49 IST
Facebook Share Twitter Share WhatsApp Share Telegram Share Link Share

Covid: 40% జిల్లాల్లో 20% పాజిటివిటీ రేటు

అరుణాచల్‌ ప్రదేశ్‌లోని ఓ జిల్లాలో 91.5 శాతం

దిల్లీ: దేశంలో కరోనా వైరస్‌ విలయం సృష్టిస్తోంది. నగరాలు, పట్టణాల నుంచి పల్లెలకు తీవ్రస్థాయిలో వ్యాపిస్తోంది. ప్రస్తుతం దేశంలోని 40 శాతం జిల్లాల్లో 20 శాతానికి పైగానే పాజిటివిటీ రేటు ఉన్నట్లు కేంద్ర వైద్యారోగ్య శాఖ వెల్లడించింది. మొత్తంగా 741 జిల్లాలకు గానూ 301 జిల్లాల్లో మే 1 నుంచి 20 శాతానికి పైగానే పాజిటివిటీ రేటు నమోదవుతున్నట్లు పేర్కొంది. కాగా వీటిల్లోని 15 జిల్లాల్లో 50 శాతానికి పైగానే పాజిటివిటీ రేటు ఉన్నట్లు తెలిపింది. హరియాణాలో నాలుగు, అరుణాచల్‌ ప్రదేశ్‌లో రెండు, రాజస్థాన్‌లో రెండు జిల్లాలు సహా ఇతర రాష్ట్రాల్లోని మరో 7 జిల్లాల్లో సగానికిపైగానే పాజిటివిటీ రేటు ఉన్నట్లు వైద్యారోగ్య శాఖ పేర్కొంది. కాగా ఇవన్నీ దాదాపు రూరల్‌ జిల్లాలేనని వెల్లడించింది. అనేక గ్రామీణ ప్రాంతాల్లో సరైన పరీక్షలు లేని కారణంగా కేసులు బయటపడటం లేదని తెలిపింది.

అరుణాచల్‌ ప్రదేశ్‌లోని చంగ్లాంగ్‌ జిల్లాలో అత్యధికంగా 91.5 శాతం పాజిటివిటీ రేటు ఉందని, ఇదే రాష్ట్రంలోని దిబాన్‌ వ్యాలీతోపాటు.. పుదుచ్చేరిలోని యానాం, రాజస్థాన్‌లోని బికనీర్‌, పాలీ జిల్లాల్లో అత్యధిక పాజిటివిటీ రేటు నమోదవుతున్నట్లు వైద్యారోగ్య శాఖ వెల్లడించింది. కేరళలోని 14 జిల్లాలకు గాను 13 జిల్లాల్లో 20 శాతానికిపైగా పాటిజివిటీ రేటు నమోదువుతోంది. హరియాణాలోని 22 జిల్లాలకు గాను 19, పశ్చిమ బెంగాల్‌లోని 23కి 19, దిల్లీలోని 11కి 9, కర్ణాటకలోని 31కి 24 జిల్లాల్లో పాజిటివిటీ రేటు 20 శాతానికిపైగానే ఉంది.

పలు రాష్ట్రాల్లో సంపూర్ణ లాక్‌డౌన్‌, మరికొన్ని రాష్ట్రాల్లో పాక్షిక లాక్‌డౌన్‌, రాత్రి కర్ఫ్యూ విధిస్తున్నా.. కేసుల్లో తగ్గుదల కనిపించడం లేదు. కొద్ది రోజులుగా దేశంలో 4 లక్షలకుపైగానే కేసులు నమోదవుతున్నాయి. మరణాలు కూడా భారీ స్థాయిలో ఉంటున్నాయి. శనివారం 4,03,738 మంది వైరస్‌ బారిన పడగా.. 4,092 మంది ప్రాణాలు కోల్పోయారు. కాగా మొత్తంగా దేశంలో ఇప్పటివరకు 2,42,362 మంది మహమ్మారికి బలయ్యారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని