Pakistan: లాహోర్‌లో సిలిండర్ల పేలుళ్లు

తాజా వార్తలు

Updated : 29/06/2021 19:07 IST

Pakistan: లాహోర్‌లో సిలిండర్ల పేలుళ్లు

దద్దరిల్లిన బర్కత్ మార్కెట్‌

ఇస్లామాబాద్‌: భారీ సంఖ్యలో గ్యాస్‌ సిలిండర్లు పేలడంతో పాకిస్థాన్‌లోని లాహోర్‌కు చెందిన బర్కత్ మార్కెట్‌ దద్దరిల్లింది. ఈ ఘటనలో పెద్దసంఖ్యలో దుకాణాలు ధ్వంసమయ్యాయని స్థానిక మీడియా వెల్లడించింది. ప్రస్తుతం ఈ ఘటనకు సంబంధించిన దృశ్యాలు సామాజిక మాధ్యమాల్లో చక్కర్లు కొడుతున్నాయి. జనం రద్దీ ఎక్కువగా ఉండే ప్రాంతంలోనే ఈ పేలుళ్లు జరిగినట్లు  తెలుస్తోంది. 

అయితే ఈ ప్రమాదంలో ప్రాణనష్టం, ఆస్తినష్టం, క్షతగాత్రులు గురించిన వివరాలు తెలియాల్సి ఉంది. కొన్ని మీడియా వర్గాల సమాచారం ప్రకారం.. ఇప్పటివరకు పది సిలిండర్లు పేలినట్లు, ఒకరు గాయాలపాలైనట్లు పేర్కొన్నాయి. పదుల సంఖ్యలో దుకాణాలు, వాహనాలు ధ్వంసమైనట్లు వెల్లడించాయి. అధికారులు ఈ ఘటనకు గల కారణాలపై దర్యాప్తు ప్రారంభించారు. బర్కత్ మార్కెట్‌లోని గ్యాస్ సిలిండర్లు ఉంచిన సెక్షన్లో పేలుడు సంభవించినట్లు తెలుస్తోంది. ఒకదాని తర్వాత ఒకటి పేలుతుండటంతో సహాయక చర్యలు చేపట్టడం క్లిష్టంగా ఉన్నట్లు సమాచారం. 



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని