NASA: భూమికి 410కి.మీ ఎత్తులో.. అద్భుత దృశ్యం

తాజా వార్తలు

Updated : 26/06/2021 13:10 IST

NASA: భూమికి 410కి.మీ ఎత్తులో.. అద్భుత దృశ్యం

షేర్ చేసిన అమెరికా అంతరిక్ష సంస్థ

వాషింగ్టన్: అంతరిక్షంలో మనిషి కదలిక ఎప్పుడూ ఆసక్తికరమే. అంతరిక్ష యాత్ర, స్పేస్‌వాక్‌.. ఇలా ప్రతి ప్రయాణమూ మనకు అబ్బురమే. తాజాగా అమెరికా అంతరిక్ష పరిశోధనా సంస్థ(నాసా) షేర్‌చేసిన వీడియో ఆ కోవలోనిదే. భూమికి 410 కిలోమీటర్ల ఎత్తులో నుంచి తీసిన ఓ అద్భుత దృశ్యాన్ని నాసా నెటిజన్లతో పంచుకుంది. ఇద్దరు వ్యోమగాములు అంతర్జాతీయ అంతరిక్ష కేంద్రంలో విద్యుత్‌ సరఫరాను మెరుగుపర్చే సమయంలో తీసిన వీడియో అది. 

‘భూమికి 255 మైళ్ల(410 కిలోమీటర్లు)ఎత్తులో తీసిన ఈ దృశ్యం ఎలా ఉంది? వ్యోమగాములు థామస్ పిస్వ్కెట్, షేన్‌ కింబ్రౌ అంతరిక్ష కేంద్రంలో విద్యుత్‌ సరఫరాను మెరుగుపర్చుతున్నారు. మీ ఇద్దరు మీ పని కొనసాగించండి’ అంటూ వారు మరమ్మతులు చేస్తోన్న వీడియోను నాసా ట్వీట్ చేసింది. ఆ వీడియోలో ఒకరు అంతరిక్షంలో కదలాడుతూ తన పనిచేసుకుపోతున్నారు. తెల్లటి స్పేస్ సూట్ ధరించిన ఆ వ్యోమగామి కాళ్లు మాత్రమే కనిపిస్తున్నాయి. దాంతో కొద్దిసేపు చూసిన తర్వాతే ఆయన ఎక్కడున్నారో గుర్తించగలిగేలా ఉందా దృశ్యం. ఈ వీడియో ఇప్పుడు నెటిజన్లను విపరీతంగా ఆకట్టుకుంటోంది. 



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని