close

తాజా వార్తలు

Published : 26/11/2020 20:42 IST
Facebook Share Twitter Share WhatsApp Share Telegram Share

అప్పటి వరకు పాఠశాలలు బంద్‌

వెల్లడించిన దిల్లీ ప్రభుత్వం

దిల్లీ: కొవిడ్-19 పరిస్థితులు పూర్తిగా అదుపులో ఉన్నాయని తాము హామీ ఇచ్చేవరకు పాఠశాలలు తెరుచుకోవని దిల్లీ ఆరోగ్య మంత్రి సత్యేందర్ జైన్ స్పష్టం చేశారు. గురువారం ఆయన మీడియాతో మాట్లాడుతూ..‘గత మూడు వారాల్లో దిల్లీలో పాజిటివిటీ రేటు 8.5 శాతానికి తగ్గింది. టీకా త్వరలో అందుబాటులోకి వస్తుందని ఆశిస్తున్నాం. కొవిడ్ పరిస్థితి అదుపులో ఉందని ప్రభుత్వం హామీ ఇచ్చేవరకు, పాఠశాలలు తెరుచుకోవు’ అని వెల్లడించారు. 

దిల్లీ పర్యావరణ శాఖ మంత్రికి కరోనా
దిల్లీ పర్యావరణ శాఖ మంత్రి గోపాల్ రాయ్‌కు కరోనా పాజిటివ్‌గా నిర్ధారణ అయింది. ఈ విషయాన్ని ఆయన ట్విటర్ వేదికగా వెల్లడించారు. ‘స్వల్ప లక్షణాలు కనిపించడంతో కరోనా నిర్ధారణ పరీక్ష చేయించుకున్నాను. దాంట్లో పాజిటివ్‌గా తేలింది. గత కొద్ది రోజులుగా నన్ను కలిసిన వారు పరీక్షలు చేయించుకోవాలని, జాగ్రత్తలు తీసుకోవాలని కోరుతున్నాను’ అని మంత్రి గురువారం ట్వీట్ చేశారు. దిల్లీ ఉప ముఖ్యమంత్రి మనీశ్ సిసోడియా, ఆరోగ్య మంత్రి సత్యేందర్ జైన్ తరవాత కొవిడ్ బారిన పడిన మూడో మంత్రి ఈయన. 

ఇదిలా ఉండగా..గడిచిన 24 గంటల్లో రాజధాని నగరంలో 5,246 మంది వైరస్ బారిన పడగా..99 మంది మరణించారు. గత ఐదు రోజుల తరవాత 100కు దిగువన మరణాలు నమోదుకావడం ఇదే తొలిసారి. ఇప్పటి వరకు అక్కడ 5.45 లక్షల మందికి పైగా వైరస్ బారినపడ్డారు. మృతుల సంఖ్య 8,700 మార్కును దాటింది. 


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు

చిత్ర వార్తలు

సినిమా
మరిన్ని

దేవతార్చన