శబరిమలకు ఎక్కువ మందిని అనుమతించలేం

తాజా వార్తలు

Published : 10/02/2021 14:34 IST

శబరిమలకు ఎక్కువ మందిని అనుమతించలేం

దేవస్థానం బోర్డు విజ్ఞప్తిని తిరస్కరించిన కేరళ ప్రభుత్వం 

తిరువనంతపురం: పవిత్ర పుణ్యక్షేత్రం శబరిమల ఆలయానికి భక్తుల రాకపై కేరళ ప్రభుత్వం కీలక నిర్ణయం తీసుకుంది. శబరిమలకు ప్రస్తుతం రోజుకు 5వేల మందిని అనుమతిస్తున్నామని, అంతకంటే ఎక్కువ మందిని అనుమతించలేమని స్పష్టం చేసింది. 

కుంభ మాస పూజ నిమిత్తం శబరిమలకు రోజువారీ యాత్రికుల సంఖ్య పెంచాలని, రోజుకు 15వేల మంది భక్తులను అనుమతించాలని ట్రావెన్‌కోర్‌ దేవస్థానం బోర్డు విజ్ఞప్తి చేసింది. ఈ మేరకు ప్రభుత్వానికి లేఖ రాసింది. అయితే ప్రస్తుతం కరోనా మహమ్మారి దృష్ట్యా దేవస్థానం అభ్యర్థనపై నిర్ణయం తీసుకోవాలని దేవాదాయ శాఖమంత్రి రాష్ట్ర ఆరోగ్యశాఖను కోరారు. దీనిపై మంగళవారం ఉన్నతస్థాయి సమావేశం జరిగింది. ఈ సమావేశంలో బోర్డు విజ్ఞప్తిని ప్రభుత్వం తోసిపుచ్చింది. కరోనా తీవ్రత దృష్ట్యా భక్తుల రాకపై పరిమితులు విధించాల్సి వచ్చిందని, ఇప్పటికే రోజుకు 5వేల మంది యాత్రికులను అనుమతిస్తున్నామని ప్రభుత్వం తెలిపింది. అంతకంటే మించి పెంచలేమని వెల్లడించింది. 

కరోనా విజృంభణ నేపథ్యంలో గతంలో శబరిమలకు నిత్యం 2వేల మందిని, శని, ఆదివారాల్లో 3వేలమంది భక్తులను అనుమతిస్తూ కేరళ ప్రభుత్వం నిర్ణయం తీసుకుంది. అయితే రోజువారీ భక్తుల సంఖ్యను 5వేలకు పెంచుతూ గతేడాది డిసెంబరులో రాష్ట్ర హైకోర్టు ఉత్తర్వులు జారీ చేసింది. కాగా.. శబరిమల వెళ్లే యాత్రికులకు ట్రావెన్‌కోర్‌ దేవస్థానం బోర్డు కొవిడ్‌ నెగెటివ్‌ రిపోర్టు తప్పనిసరి చేసిన విషయం తెలిసిందే.

ఇదీ చదవండి..

ఏడాదంతా శరణం అయ్యప్పా!


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని