vaccine: రాష్ట్రాల వద్ద 1.60 కోట్ల డోసులు
close

తాజా వార్తలు

Published : 22/05/2021 23:56 IST

vaccine: రాష్ట్రాల వద్ద 1.60 కోట్ల డోసులు

వెల్లడించిన కేంద్ర ఆరోగ్య శాఖ

దిల్లీ: కరోనా వైరస్‌ నియంత్రణకు దేశవ్యాప్తంగా టీకా పంపిణీ కార్యక్రమం కొనసాగుతోంది. కొవిడ్‌పై పోరాటంలో భాగంగా జనవరి 16 నుంచి వ్యాక్సినేషన్‌ డ్రైవ్‌ ప్రారంభించారు. దేశంలో ప్రస్తుతం కొవాగ్జిన్‌, కొవిషీల్డ్‌ టీకాలు అందుబాటులో ఉన్నాయి. ఇప్పటి వరకు రాష్ట్రాలకు 20 కోట్లకు పైగా డోసులను కేంద్రం ఉచితంగా అందించింది. మే 21 నాటికి వాటిలో 19,73,61,311 టీకాలను రాష్ట్రాలు వినియోగించాయని కేంద్రం వెల్లడించింది. మరో 1.60 కోట్ల (1,60,13,409) డోసులు రాష్ట్రాలు, కేంద్ర పాలిత ప్రాంతాల వద్ద అందుబాటులో ఉన్నట్లు శనివారం ఒక ప్రకటనలో తెలిపింది. మరో మూడురోజుల్లో 2.67 లక్షల డోసులను రాష్ట్రాలకు పంపనున్నట్లు వెల్లడించింది.

నిన్న ఒక్క రోజే దేశవ్యాప్తంగా రికార్డు స్థాయిలో 20.66 లక్షల కరోనా టెస్టులు నిర్వహించినట్లు కేంద్ర ఆరోగ్య శాఖ వెల్లడించింది. వారిలో 2,57,299 మందికి పాజిటివ్‌గా తేలింది. దీంతో దేశంలో క్రియాశీల కేసుల సంఖ్య 29,23,400కు చేరింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని