close

తాజా వార్తలు

Published : 24/09/2020 00:55 IST
Facebook Share Twitter Share WhatsApp Share Telegram Share

ఈ రాజ్యసభ సమావేశాలకో రికార్డు..!

దిల్లీ: కరోనా నేపథ్యంలో ఈ సారి జరిగిన పార్లమెంట్‌ వర్షాకాల సమావేశాల్లో ఓ అరుదైన రికార్డు రాజ్యసభ సొంతమైంది. ఇప్పటివరకు అత్యల్ప కాలం జరిగిన సభల్లో ఒకటిగా నమోదైంది. ఈ నెల 14న పార్లమెంట్‌ సమావేశాలు ప్రారంభం కాగా.. బుధవారం (22న) సభ నిరవధికంగా వాయిదా పడింది. వాస్తవానికి అక్టోబర్‌ 1 వరకు జరగాల్సి ఉండగా.. కరోనా నేపథ్యంలో 8 రోజుల ముందుగానే సమావేశాలను ముగించారు. కేవలం 10 సిట్టింగులు మాత్రమే జరిగాయి. మొత్తం 25 బిల్లులు ఈ సమావేశాల్లో ఆమోదం పొందాయి. దీంతో అత్యల్ప సమయం పాటు కొనసాగిన రెండో రాజ్యసభ వర్షాకాల సమావేశాలుగా ఇవి రికార్డులెక్కాయి. మొత్తంగా చూస్తేమాత్రం.. మూడో అత్యల్ప సమావేశంగా గుర్తింపు పొందినట్టు అధికారులు తెలిపారు.

ఇప్పటివరకూ జరిగిన మొత్తం 252 పార్లమెంటు సమావేశాల్లో 89వ సెషన్​ (1974) 40 సిట్టింగ్‌లతో అతిపెద్ద వర్షాకాల సమావేశాలుగా రికార్డుల్లో నిలిచినట్లు రాజ్యసభ సచివాలయం వెల్లడించింది. 1979 ఆగస్టు 20న జరిగిన 111వ సెషన్  కేవలం ఒక్క సిట్టింగ్‌తోనే ముగిసింది. ఇక 1952 నుంచి ఇప్పటివరకూ నిర్వహించిన మొత్తంంగా 69 వర్షాకాల సమావేశాలు జరగ్గా.. అతి తక్కువ సిట్టింగ్‌లు జరిగిన వాటిల్లో  ప్రస్తుత సమావేశాలు రెండో స్థానంలో నిలిచాయి. 1979 జూలైలో నిర్వహించిన 110వ సెషన్​, 1999 అక్టోబర్‌లో నిర్వహించిన 187వ సమావేశాలు కేవలం 6 సిట్టింగ్‌లతోనే ముగిశాయి.


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.