Vaccine: పిల్లలకు టీకా వేస్తున్న మొదటి దేశం సింగపూర్‌

తాజా వార్తలు

Published : 31/05/2021 20:28 IST

Vaccine: పిల్లలకు టీకా వేస్తున్న మొదటి దేశం సింగపూర్‌

సింగపూర్‌: కౌమారదశలో ఉన్న పిల్లలకు కరోనా టీకా వేసేందుకు సింగపూర్‌ ప్రభుత్వం సిద్ధమైంది. మంగళవారం నుంచి 12-18 ఏళ్ల పిల్లలకు టీకాలు వేయనున్నారు. పాఠశాలలకు వెళ్లే పిల్లలు వ్యాధి బారిన పడుతుండటంతో ప్రభుత్వం ఈ నిర్ణయం తీసుకుంది. కాగా పిల్లలకు టీకా ఇస్తున్న మొట్టమొదటి దేశంగా సింగపూర్‌ నిలిచింది. ప్రస్తుతం ఆ దేశంలో 18 నుంచి 39 ఏళ్ల వారికి వ్యాక్సిన్‌ ఇస్తున్నారు. వీరితోపాటే కౌమారంలో ఉన్నవారికి కూడా మంగళవారం నుంచి టీకాలు ఇవ్వనున్నారు.

ప్రతిఒక్కరికీ వ్యాక్సిన్‌ ఇచ్చేలోపు కొవిడ్‌ బారిన పడుతున్నవారిని గుర్తించి, ఐసొలేషన్‌లో ఉంచి చికిత్స అందిస్తున్నట్లు సింగపూర్‌ ప్రధాని లీ షేన్‌ లూంగ్‌ ఓ కార్యక్రమంలో వెల్లడించారు. జాతీయ దినోత్సవం ఆగస్టు 9 నాటికి అర్హులైన వారందరికీ కనీసం ఒక్క డోసునైనా అందించనున్నామని తెలిపారు.

57 లక్షల జనాభా ఉన్న సింగపూర్‌లో ఇప్పటివరకు 75 శాతం మంది వ్యాక్సిన్‌ మొదటి డోసు తీసుకున్నారు. చాలామంది రెండో డోసు కూడా తీసుకున్నారు. కొవిడ్‌ కారణంగా సింగపూర్‌లో కఠిన ఆంక్షలు కొనసాగుతున్నాయి. కాగా అక్కడ కేసులు తగ్గుముఖం పడుతున్నాయి. ఇది ఇలాగే కొనసాగితే మరికొద్ది రోజుల్లో ఆంక్షలు ఎత్తివేయాలని ప్రభుత్వం భావిస్తోంది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని