Milkha: మిల్కా పేరుతో క్రీడా వర్సిటీలో విభాగం
close

తాజా వార్తలు

Published : 19/06/2021 18:40 IST

Milkha: మిల్కా పేరుతో క్రీడా వర్సిటీలో విభాగం

పంజాబ్‌ సీఎం ప్రకటన

చండీగఢ్‌: కరోనా బారిన పడి కన్నుమూసిన భారత పరుగుల వీరుడు మిల్కాసింగ్‌ గౌరవార్థం పంజాబ్‌ ప్రభుత్వం కీలక నిర్ణయం తీసుకుంది. ఈ క్రీడా దిగ్గజం పేరుతో పటియాలాలోని స్పోర్ట్స్‌ యూనివర్సిటీలో ఓ శాఖను ఏర్పాటు చేయనున్నట్టు పంజాబ్‌ సీఎం అమరీందర్‌ సింగ్‌ ప్రకటించారు.  శనివారం ఆయన రాష్ట్ర క్రీడాశాఖ మంత్రి రానా గుర్మిత్‌సింగ్‌తో కలిసి మిల్కా సింగ్‌ నివాసానికి వెళ్లారు. ఆయన భౌతికకాయానికి నివాళులర్పించారు. మిల్కా సింగ్‌ తనయుడు జీవ్, కుటుంబ సభ్యులను పరామర్శించి తన ప్రగాఢ సానుభూతి తెలిపారు. అనంతరం మిల్కా సింగ్‌ నివాసం బయట మీడియాతో మాట్లాడుతూ ఈ విషయాన్ని వెల్లడించారు.

మే 20న కరోనా బారిన పడిన 91 ఏళ్ల మిల్కా సింగ్.. వైరస్‌తో పోరాడుతూ నిన్న రాత్రి ఆస్పత్రిలో  తుదిశ్వాస విడిచిన విషయం తెలిసిందే. ఆయన మృతిపట్ల యావత్‌ క్రీడా ప్రపంచం దిగ్భ్రాంతి వ్యక్తంచేసింది. మిల్కా సింగ్‌ మరణంపై రాష్ట్రపతి రామ్‌నాథ్ కోవింద్‌, ప్రధాని నరేంద్ర మోదీ, పలువురు కేంద్రమంత్రులు, వివిధ రంగాల ప్రముఖులు నివాళులర్పించారు. ఆయన సాధించిన విజయాలను గుర్తు చేసుకుంటూ ట్వీట్లు పెడుతున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని