Vaccine: ప్రారంభమైన స్పుత్నిక్‌ వి ఉత్పత్తి
close

తాజా వార్తలు

Published : 24/05/2021 23:54 IST

Vaccine: ప్రారంభమైన స్పుత్నిక్‌ వి ఉత్పత్తి

ఏడాదికి పదికోట్ల డోసుల ఉత్పత్తి

దిల్లీ: దేశంలో కరోనా విజృంభించి తీవ్ర టీకా కొరత ఏర్పడ్డ తరుణంలో తీపి కబురు. భారత్‌లో సోమవారం నుంచి ‘స్పుత్నిక్‌ వి’ వ్యాక్సిన్‌ ఉత్పత్తి ప్రారంభిస్తున్నట్లు రష్యన్‌ డెరెక్ట్‌ ఇన్వెస్ట్‌మెంట్‌ ఫండ్‌ (ఆర్‌డీఐఎఫ్‌) వెల్లడించింది. దిల్లీకి చెందిన ప్రముఖ టీకా, ఔషధ సంస్థ పనాసియా బయోటెక్‌తో కలిసి ప్రతి సంవత్సరం పదికోట్ల డోసులను ఉత్పత్తి చేయనున్నట్లు ఆర్‌డీఐఎఫ్‌ ఒక ప్రకటనలో పేర్కొంది. మొదటి దశలో ఉత్పత్తి చేసిన డోసు నమూనాలను మాస్కోకు తరలించి అక్కడ నాణ్యతా తనిఖీలు నిర్వహించాక, ఆ నివేదికను ప్రపంచ ఆరోగ్య సంస్థ ఆమోదానికి పంపనున్నట్లు తెలిపింది.

‘ప్రస్తుత పరిస్థితుల్లో భారత్‌లో స్పుత్నిక్‌ టీకా ఉత్పత్తి ఎంతోమందికి సాయపడుతుంది. ఇక్కడ సరిపడా ఉత్పత్తి చేసి, అనంతరం ఇతర దేశాలకు ఉపయోగపడేలా ఎగుమతి చేస్తాం’ అని ఆర్‌డీఐఎఫ్‌ సీఈఓ క్రిల్ల్‌ ద్మిత్రీవ్ వెల్లడించారు. ‘ఆర్‌డీఐఎఫ్‌తో కలిసి స్పుత్నిక్ వి ఉత్పత్తిని ప్రారంభించడం ఆనందంగా ఉంది. దేశంతోపాటు ప్రపంచవ్యాప్తంగా ఉన్న ప్రజలను తిరిగి సాధారణ స్థితికి తీసుకొచ్చేందుకు తోడ్పాటు అందించాలనుకుంటున్నాం’ అని పనాసియా బయోటెక్‌ ఎండీ డా.రాజేశ్‌ తెలిపారు.

ఆర్‌డీఐఎఫ్‌ సహకారంతో గమలేయా ఇన్‌స్టిట్యూట్‌ స్పుత్నిక్‌ వి టీకాను అభివృద్ధి చేసింది. భారత్‌లో వినియోగానికి ఈ టీకాకు గతంలోనే అనుమతి లభించగా ఇటీవలే ఈ టీకా అందుబాటులోకి వచ్చింది. జీఎస్టీతో కలిపి ఒక్కో డోసు ధర రూ.995.40గా నిర్ణయించారు.
 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని