తమిళనాడులో లాక్‌డౌన్‌ పొడిగింపు

తాజా వార్తలు

Published : 02/07/2021 22:56 IST

తమిళనాడులో లాక్‌డౌన్‌ పొడిగింపు

చెన్నై: దేశవ్యాప్తంగా కరోనా కేసులు తగ్గుముఖం పడుతుండటంతో పలు రాష్ట్రాలు లాక్‌డౌన్‌ ఆంక్షలను క్రమంగా సడలిస్తున్నాయి. తమిళనాడులోనూ లాక్‌డౌన్‌ను ఎత్తివేస్తామని గతంలో ప్రకటించిన స్టాలిన్‌ ప్రభుత్వం తాజాగా నిర్ణయం మార్చుకుంది. కొవిడ్‌ కేసులు ఎక్కువగా నమోదవుతున్నందు వల్ల జులై 12 వరకు లాక్‌డౌన్‌ను పొడిగిస్తున్నట్లు వెల్లడించింది.

తమిళనాడు ప్రభుత్వం ఇప్పటికే పలు ఆంక్షలు సడలించింది. కొవిడ్‌ నిబంధనలు పాటిస్తూ 50 శాతం సామర్థ్యంలో హోటళ్లు నిర్వహించుకునేందుకు అనుమతిచ్చింది. లాడ్జ్‌లు, గెస్ట్‌హౌస్‌లు కూడా తెరచుకునేందుకు అవకాశం కల్పించింది. ప్రైవేటు కార్యాలయాలు 50 శాతం సిబ్బందితో కార్యకలాపాలు సాగించుకోవచ్చు. సినిమా థియేటర్లు, స్విమ్మింగ్‌ పూల్స్‌, కళాశాలు, జంతుప్రదర్శన శాలలు తెరవడానికి వీల్లేదు.

వైరస్‌ తీవ్రతను బట్టి మొత్తం 38 జిల్లాలను రాష్ట్ర ప్రభుత్వం 3 కేటగిరీలుగా విభజించింది. ఉద్ధృతి ఎక్కువగా ఉన్న 11 జిల్లాలను మొదటి కేటగిరీగానూ, వైరస్‌ వ్యాప్తి తక్కువగా ఉన్న 23 జిల్లాలను రెండో కేటగిరీగానూ, రికవరీ రేటు మెరుగ్గా ఉన్న 4 జిల్లాలను మూడో కేటగిరీగా విభజించి ఆంక్షలు అమలు చేసింది. అయితే ఇకపై అన్ని జిల్లాల్లోనూ ఒకే రకమైన ఆంక్షలు ఉంటాయని ప్రభుత్వం తాజాగా స్పష్టం చేసింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని