AP News: ఏపీ అధికారులను అడ్డగించిన ఒడిశా

తాజా వార్తలు

Updated : 17/08/2021 09:28 IST

AP News: ఏపీ అధికారులను అడ్డగించిన ఒడిశా

కార్యక్రమాలను రద్దు చేసుకున్న సాలూరు ఎమ్మెల్యే, ఐటీడీఏ పీవో

సాలూరు గ్రామీణం, సిమిలిగుడ, న్యూస్‌టుడే: ఒడిశా, ఏపీ సరిహద్దు గ్రామాల్లో మరోసారి వివాదం నెలకొంది. విజయనగరం జిల్లా సాలూరు మండలం కొఠియా గ్రామాలైన పట్టుచెన్నూరు, పగులుచెన్నూరుల్లో జగనన్న పచ్చతోరణం, ప్రభుత్వ భవన నిర్మాణాలకు సోమవారం శంకుస్థాపన చేసేందుకు సాలూరు ఎమ్మెల్యే రాజన్నదొర, పార్వతీపురం ఐటీడీఏ పీవో కూర్మనాథ్‌ నిర్ణయించారు. విషయం తెలుసుకున్న ఒడిశాకు చెందిన పొట్టంగి, కొరాపుట్‌, జయపురం ఎమ్మెల్యేలు ప్రీతమ్‌పాఢి, రఘురామ్‌పడాల్‌, తారాప్రసాద్‌, భాజపా మాజీ ఎంపీ జయరాం పంగి, బిజద, కాంగ్రెస్‌ శ్రేణులు అక్కడికి చేరుకున్నారు. సరిహద్దులోని హర్మాడగి కూడలివద్ద బారికేడ్లు ఏర్పాటు చేసి, గోబ్యాక్‌ ఆంధ్రా అంటూ నినాదాలు చేస్తూ భైఠాయించారు. గ్రామానికి చేరుకుంటున్న పట్టుచెన్నూరు, పగులుచెన్నూరు కార్యదర్శులు శ్రీనివాసరావు, సురేశ్‌, వీఆర్వో శ్రీనివాసరావు, ఇద్దరు ఐటీడీఏ వర్క్‌ ఇన్‌స్పెక్టర్లను అడ్డుకున్నారు. విద్యా కానుక పంపిణీకి వెళ్లిన ఉపాధ్యాయుడు గణేశ్‌ను అడ్డగించి పుస్తకాలను లాక్కొని పంపించేశారు. దీంతో అధికారులంతా సాలూరు చేరుకున్నారు. దీనిపై సాలూరు ఎమ్మెల్యే రాజన్నదొర మాట్లాడుతూ... సరిహద్దులో ఒడిశా నాయకులు, పోలీసులు మోహరించారని, అక్కడికి వెళ్లొద్దంటూ జిల్లా కలెక్టర్‌, ఎస్పీలు సూచించడంతో కార్యక్రమాన్ని రద్దు చేసుకున్నట్లు చెప్పారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని