Afghanistan: ప్రభుత్వ ఏర్పాటుపై తాలిబన్‌ అగ్రనేతల మంతనాలు

తాజా వార్తలు

Published : 22/08/2021 16:20 IST

Afghanistan: ప్రభుత్వ ఏర్పాటుపై తాలిబన్‌ అగ్రనేతల మంతనాలు

కాబుల్‌: అఫ్గానిస్థాన్‌లో ప్రభుత్వ ఏర్పాటు క్రతువుపై తాలిబన్‌ అగ్రనేతలు మంతనాలు సాగిస్తున్నారు. కొంతకాలంగా కతార్‌లో తలదాచుకుంటున్న తాలిబన్‌ సహ వ్యవస్థాపకుడు, ఆ సంస్థ రాజకీయ విభాగాధిపతి ముల్లా అబ్దుల్‌ ఘనీ బరాదర్‌ శనివారం కాబుల్‌ చేరుకున్నాడు. చైనా చెప్పినట్టు అఫ్గాన్‌లోని అన్ని జాతులతో కూడిన సమ్మిళిత ప్రభుత్వాన్ని ఏర్పాటుచేసే విషయమై ఇతర ముఖ్య నేతలతో మంతనాలు సాగించాడు. త్వరలోనే జిహాదీ, రాజకీయ నేతలతోనూ బరాదర్‌ సమావేశం కానున్నట్టు తాలిబన్‌ అధికార ప్రతినిధి ఒకరు వెల్లడించారు. నిజానికి బరాదర్‌ గత మంగళవారమే దేశంలోని రెండో అతిపెద్ద నగరం, తాలిబన్‌ పుట్టిల్లు కాందహార్‌ చేరుకున్నాడు. ఆ తర్వాత కొద్దిసేపటికే... ఈసారి తమ పరిపాలన విభిన్నంగా ఉంటుందని, ప్రజలకు భద్రత కల్పిస్తామని, మహిళల హక్కులను పరిరక్షిస్తామని తాలిబన్లు ప్రకటించారు.

కాబుల్‌లో ‘అమెరికా మోస్ట్‌ వాంటెడ్‌ టెర్రరిస్ట్‌’

తాజా పరిణామాల క్రమంలో హక్కానీ నెట్‌వర్క్‌ నేతలు క్రియాశీలకంగా మారుతున్నారు. అమెరికా నేతృత్వంలోని నాటో దళాలకూ, అఫ్గాన్‌ ప్రభుత్వానికి వ్యతిరేకంగా ఈ సంస్థ తిరుగుబాటుకు నాయకత్వం వహించింది. ఈ నెట్‌వర్క్‌ అగ్రనేత, అమెరికా మోస్ట్‌ వాంటెడ్‌ టెర్రరిస్ట్‌గా ప్రాచుర్యం పొందిన ఖలీల్‌ హక్కానీ శనివారం కాబుల్‌ చేరుకున్నాడు. ఖలీల్‌ తలకు అమెరికా గతంలో రూ.37 కోట్ల రివార్డు ప్రకటించింది. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని