Afghanistan Blasts: అఫ్గాన్‌లో భారీ పేలుడు.. పలువురి మృతి!

తాజా వార్తలు

Published : 03/10/2021 18:15 IST

Afghanistan Blasts: అఫ్గాన్‌లో భారీ పేలుడు.. పలువురి మృతి!

పేలుడు ఘటనను ధ్రువీకరించిన తాలిబన్లు

కాబుల్‌: అఫ్గానిస్థాన్‌ రాజధాని కాబుల్‌లో మరోసారి భారీ పేలుడు సంభవించింది. ఆ ఘటనలో పలువురు మృత్యువాతపడగా.. చాలామంది గాయాలపాలైనట్లు తాలిబన్‌ ప్రతినిధులు వెల్లడించారు. తాలిబన్‌ ప్రతినిధి జబీహుల్లా ముజాహిద్‌ అమ్మ స్మారక సభ జరుగుతోన్న ఓ మసీదు లక్ష్యంగా చేసుకొని ఈ పేలుళ్లు జరిగినట్లు తెలిపారు. గాయాలైన వారిని ఆస్పత్రులకు తరలిస్తున్నట్లు వెల్లడించారు. ఈ పేలుళ్లకు పాల్పడింది ఎవరనే విషయం మాత్రం తెలియరాలేదు.

అఫ్గానిస్థాన్‌ను తాలిబన్లు హస్తగతం చేసుకున్న తర్వాత అక్కడ ఇస్లామిక్‌ స్టేట్‌ ముఠా దాడులు పెరుగుతున్నట్లు అంతర్జాతీయ నివేదికలు వెల్లడిస్తున్నాయి. తాలిబన్లకు శత్రువులుగా భావించే వీరి ప్రాబల్యం నంగర్‌హార్‌ తూర్పు ప్రావిన్సులో అధికంగా ఉంది. జలాలాబాద్‌లోనూ ఇదివరకు హత్యలు, దాడులకు పాల్పడినట్లు ఇస్లామిక్‌ స్టేట్‌ ఇదివరకు ప్రకటించుకుంది. అయితే, కాబుల్‌లో మాత్రం ఈ తరహా దాడులు అత్యంత అరుదనే చెప్పవచ్చు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని