Bangladesh: పెళ్లి బృందంపై పిడుగులు. 17 మంది దుర్మరణం

తాజా వార్తలు

Published : 04/08/2021 23:39 IST

Bangladesh: పెళ్లి బృందంపై పిడుగులు. 17 మంది దుర్మరణం

ఢాకా: బంగ్లాదేశ్‌ రాజధాని ఢాకాలో తీవ్ర విషాదం చోటుచేసుకుంది. పెళ్లి వేడుకల కోసం వెళ్తున్న వరుడి బృందంపై పిడుగులు పడి 17 మంది దుర్మరణం చెందారు. మరో 15 మంది గాయపడ్డారు. ఢాకాలోని చపైనవాబ్‌గంజ్‌లో ఈ ప్రమాదం జరిగింది. అక్కడి అధికారులు తెలిపిన వివరాల ప్రకారం..

చపైనవాజ్‌గంజ్‌ ప్రాంతం నుంచి బుధవారం మధ్యాహ్నం ఓ పెళ్లి బృందం బోటులో శిబ్‌గంజ్‌ ప్రాంతంలోని పంకాకు బయల్దేరింది. ఈ బృందం పద్మా నదిని దాటుకుంటూ వెళ్తుండగా ఒక్కసారిగా భారీ వర్షం మొదలైంది. దీంతో ఆ బృందం ఫెర్రీఘాట్‌ వద్ద బోట్‌ను నిలిపి ఒడ్డునే ఉన్న షెడ్డు కిందకు వెళ్లింది. అదే సమయంలో పిడుగులు పడటంతో 15 మంది అక్కడికక్కడే మృతిచెందారు. సమాచారమందుకున్న అధికారులు వెంటనే అక్కడకు చేరుకుని క్షతగాత్రులను ఆసుపత్రికి తరలించారు. చికిత్స పొందుతూ మరో ఇద్దరు ప్రాణాలు కోల్పోయినట్లు అధికారులు తెలిపారు. ఈ ఘటనలో వరుడు కూడా గాయపడ్డాడు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని