దిశారవికి మరో రోజు కస్టడీ పొడిగింపు

తాజా వార్తలు

Updated : 22/02/2021 19:21 IST

దిశారవికి మరో రోజు కస్టడీ పొడిగింపు

దిల్లీ: ట్విటర్‌లో పర్యావరణవేత్త గ్రెటా థెన్‌బర్గ్‌ షేర్‌ చేసిన ‘టూల్‌ కిట్‌’ కేసులో అరెస్టైన సామాజిక కార్యకర్త దిశా రవి పోలీసు కస్టడీని మరో రోజు పొడిగిస్తూ దిల్లీ కోర్టు సోమవారం ఉత్తర్వులిచ్చింది. సోమవారంతో ఆమె కస్టడీ ముగుస్తుండటంతో పోలీసులు ఆమెను కోర్టులో హాజరుపరిచారు. శనివారం  బెయిల్‌ పిటిషన్‌పై వాదనలు విన్న కోర్టు తీర్పును మంగళవారానికి వాయిదా వేసింది. ఈ కేసులో సహ నిందితులుగా ఉన్న నికితా జాకబ్‌, శంతను ములుక్‌లు ప్రస్తుతం బెయిల్‌పై ఉన్నారు. దిశారవికి కస్టడీ అవసరం లేకపోయినా సహనిందితులైన నికితా, శంతనుల విచారణ కొనసాగుతుండటంతో కస్టడీ కోరినట్లు పోలీసులు కోర్టుకు వెల్లడించారు.

స్వీడన్‌కు చెందిన పర్యావరణవేత్త గ్రెటా థెన్‌బర్గ్‌ షేర్‌ చేసిన టూల్‌కిట్‌ను రూపొందించడంలో సామాజిక కార్యకర్త  రవితో పాటు నికితా జాకబ్‌, శంతను ములుక్‌లు పాలుపంచుకున్నట్లు ఆధారాలున్నాయని దిల్లీ పోలీసులు గతంలో కోర్టుకు వెల్లడించారు. ఈ నేపథ్యంలో ఫిబ్రవరి 13న బెంగళూరులోని ఆమె నివాసంలో దిశారవిని పోలీసులు అదుపులోకి తీసుకున్నారు. కాగా నికితా జాకబ్‌, శంతనులకు పోలీసుల వినతి మేరకు దిల్లీ న్యాయస్థానం నాన్‌బెయిలబుల్‌ వారంట్‌ జారీ చేయగా వారిరువురూ ట్రాన్సిట్‌ బెయిల్‌ పొందారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని