Corona: 2 నెలల్లో 577 మంది అనాథలయ్యారు..!

తాజా వార్తలు

Published : 26/05/2021 11:01 IST

Corona: 2 నెలల్లో 577 మంది అనాథలయ్యారు..!

మహమ్మారితో తల్లిదండ్రులను కోల్పోతున్న చిన్నారులు

దిల్లీ: కరోనా మహమ్మారి ఎన్నో కుటుంబాలను ఛిద్రం చేస్తోంది. చిన్నారులను అనాథలుగా మారుస్తోంది. వృద్ధులకు అండ లేకుండా చేస్తోంది. దీంతో అప్రమత్తమైన కేంద్ర మహిళా, శిశు సంక్షేమ శాఖ బాధితులకు అండగా నిలిచేందుకు ముందుకు వచ్చింది. వారికి కావాల్సిన సాయాన్ని అందిస్తామని భరోసానిచ్చింది. అందుకోసం నిధులకు ఎలాంటి కొరత లేదని స్పష్టం చేసింది.

ఏప్రిల్‌ 1 నుంచి మే 25 మధ్యాహ్నం 2 గంటల సమయానికి దేశవ్యాప్తంగా కరోనా వల్ల తల్లిదండ్రులను కోల్పోయి అనాథలుగా మారిన 577 మంది పిల్లలను గుర్తించినట్లు కేంద్ర మహిళా, శిశు సంక్షేమ శాఖ మంత్రి స్మృతి ఇరానీ తెలిపారు. ఈ మేరకు రాష్ట్రాలు, కేంద్రాపాలిత ప్రాంతాల నుంచి నివేదికలు అందాయని పేర్కొన్నారు. వీరంతా ప్రస్తుతం జిల్లా యంత్రాంగం పర్యవేక్షణలో ఆశ్రయం పొందుతున్నారని తెలిపారు. వారికి అవసరమైతే కేంద్ర ప్రభుత్వ పరిధిలోని నేషనల్‌ ఇన్‌స్టిట్యూట్‌ ఆఫ్‌ మెంటల్‌ హెల్త్‌ అండ్‌ న్యూరోసైన్సెస్‌ నుంచి కౌన్సిలింగ్‌ ఇప్పంచడానికి సిద్ధంగా ఉన్నామని కేంద్ర ప్రభుత్వ అధికారిక వర్గాలు తెలిపాయి. వీరి బాగోగులపై రాష్ట్ర, జిల్లా యంత్రాంగాల నుంచి ఎప్పటికప్పుడు కేంద్ర ప్రభుత్వం సమాచారం తెప్పించుకుంటోందని వెల్లడించాయి.

కొవిడ్‌ రెండో ఉద్ధృతిలో తల్లిదండ్రులను కోల్పోయిన అనాథ చిన్నారులను, ఏ ఆసరా లేని వృద్ధులను ఇతర బాధిత వర్గాలను ఆదుకోవాలని కేంద్ర హోంశాఖ ఇటీవల రాష్ట్రాలకు సూచనలు జారీ చేసింది. వారికి అవసరమైన వైద్యం, భద్రత కల్పించాలని పేర్కొంది. ఎస్సీ, ఎస్టీలకు ప్రభుత్వ సాయం ఎలా పొందాలో మార్గనిర్దేశం చేయాలని సూచించింది. పోలీస్‌ స్టేషన్లలో మహిళలకు హెల్ప్‌డెస్క్‌లు ఏర్పాటు చేయాలని ఆదేశించింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని