ఐటీ చట్టాలు పాటించడంలో ట్విటర్‌ విఫలం: కేంద్రం 

తాజా వార్తలు

Published : 05/07/2021 20:25 IST

ఐటీ చట్టాలు పాటించడంలో ట్విటర్‌ విఫలం: కేంద్రం 

దిల్లీ: నూతనంగా తీసుకొచ్చిన ఐటీ నిబంధనలను పాటించడంలో ట్విటర్‌ విఫలమైందని కేంద్రం పేర్కొంది. ఐటీ చట్టం నిబంధనలను తప్పనిసరిగా పాటించాల్సిందేనని తెలిపింది. ఐటీ నిబంధనలు పాటించకపోవడం అంటే చట్టాన్ని ఉల్లంఘించడం కిందకు వస్తుందని, దీని ప్రకారం ట్విటర్‌ మధ్యవర్తిత్వ హోదా కోల్పోవాల్సి వచ్చిందని పేర్కొంది. ఐటీ నిబంధనలను ట్విటర్‌ పాటించడం లేదన్న పిటిషన్‌పై దిల్లీ హైకోర్టు ఆదేశాల మేరకు కేంద్రం సోమవారం అఫిడవిట్‌ దాఖలు చేసింది. 

నూతన ఐటీ చట్టం కింద మూడు నెలల్లో నిబంధనలు కట్టుబడాల్సిందిగా సమయం ఇస్తూ ఫిబ్రవరి 25న నిబంధనలను నోటిఫై చేసినట్లు కేంద్రం తన అఫిడవిట్‌లో  పేర్కొంది. మే 26న ఆ గడువు ముగిసినప్పటికీ ట్విటర్‌ వాటిని పూర్తిగా పాటించలేదని తెలిపింది. ట్విటర్‌ తాత్కాలిక రెసిడెంట్‌ గ్రీవెన్స్‌ అధికారిని, తాత్కాలిక నోడల్‌ కాంటాక్ట్‌ అధికారిని నియమించిందని, వారు వైదొలగడంతో అమెరికాకు చెందిన వ్యక్తికి ఆ బాధ్యతలు అప్పగించిందని పేర్కొంది. భారతీయేతర వ్యక్తులను నియమించడమంటే ఐటీ నిబంధనలను ఉల్లంఘించడం కిందకు వస్తుందని కేంద్రం తెలిపింది. మరోవైపు ఇప్పటికే ట్విటర్‌ తన అఫిడవిట్‌ దాఖలు చేసింది. తాత్కాలిక చీఫ్‌ కాంప్లియన్స్‌ ఆఫీసర్‌ను, రెసిడెంట్‌ గ్రీవెన్స్‌ అధికారి నియామక ప్రక్రియ తుది దశకు చేరుకుందని తెలిపింది. మంగళవారం ఈ అంశం విచారణకు రానుంది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని