అగ్రరాజ్యానికి‘కొత్త రకం’ కలవరం!

తాజా వార్తలు

Published : 30/01/2021 13:09 IST

అగ్రరాజ్యానికి‘కొత్త రకం’ కలవరం!

ఏప్రిల్‌ నాటికి ప్రబలరూపంగా యూకే రకం కరోనా: ఫౌచీ

వాషింగ్టన్‌: కరోనా వైరస్‌ వ్యాప్తితో ఇప్పటికే తీవ్ర గడ్డుపరిస్థితులు ఎదుర్కొంటున్న అగ్రరాజ్యం అమెరికాను కొత్త రకాలు మరింత కలవరానికి గురిచేస్తున్నాయి. అత్యంత వేగంగా వ్యాపిస్తున్న యూకే వేరియంట్‌ కేసులు అక్కడ క్రమంగా పెరుగుతున్నాయి. దీనిపై ఆ దేశ అంటువ్యాధుల నివారణ నిపుణుడు ఆంటోనీ ఫౌచీ ఆందోళన వ్యక్తం చేశారు. ఏప్రిల్ నాటికి అమెరికాలో యూకే వేరియంట్‌ ప్రబలంగా మారే అవకాశం ఉందని అంచనా వేశారు. అయితే, దక్షిణాఫ్రికా వేరియంట్‌పై మాత్రం ఇంకా స్పష్టత లేదని తెలిపారు. అమెరికాలో యూకే రకం వైరస్ ఇప్పటి వరకు 28 రాష్ట్రాలకు విస్తరించింది. మొత్తం 315 కేసులు వెలుగులోకి వచ్చాయి.

మరోవైపు అమెరికాలో వ్యాక్సినేషన్‌ కార్యక్రమం కొనసాగుతోంది. ఇప్పటి వరకు 2.89 కోట్ల మందికి కనీసం ఒక డోసు ఇచ్చారు. మార్చి నాటికి తక్కువ వయసు వారికి కూడా వ్యాక్సిన్‌ ఇచ్చేందుకు ప్రణాళికలు సిద్ధం చేస్తున్నామని అధికారులు తెలిపారు. అయితే వ్యాక్సినేషన్‌ కార్యక్రమం అనుకున్నదాని కంటే నెమ్మదిగా సాగుతోందన్న విమర్శలు ఉన్నాయి. జాన్స్‌హాప్‌కిన్స్‌ విశ్వవిద్యాలయ గణాంకాల ప్రకారం అమెరికాలో ఇప్పటి వరకు 2,59,29,282 మంది వైరస్‌ బారిన పడ్డారు. వీరిలో 4,36,678 మంది ప్రాణాలు కోల్పోయారు.

ఇవీ చదవండి...

బెడిసికొడుతున్న చైనా వ్యూహం!

14 రోజులు.. 33లక్షల మందికి టీకాలు


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని