close

తాజా వార్తలు

Published : 02/03/2021 23:08 IST
Facebook Share Twitter Share WhatsApp Share Telegram Share

నోట్లరద్దు వల్లే నిరుద్యోగం పెరుగుతోంది

కేంద్రంపై మాజీ ప్రధాని మన్మోహన్‌ సింగ్‌ విమర్శలు

తిరువనంతపురం: నాలుగేళ్ల కిందట కేంద్ర ప్రభుత్వం అనాలోచితంగా తీసుకున్న నోట్ల రద్దు నిర్ణయం వల్లే దేశంలో నిరుద్యోగం అంతకంతకూ పెరుగుతోందని మాజీ ప్రధాని, కాంగ్రెస్‌ సీనియర్‌ నేత మన్మోహన్‌ సింగ్‌ ఆరోపించారు. కేరళలో రాజీవ్‌గాంధీ ఇనిస్టిట్యూట్‌ ఆఫ్‌ డెవలప్‌మెంట్‌ స్టడీస్‌ నిర్వహించిన ఓ సదస్సులో మన్మోహన్‌ వర్చువల్‌గా పాల్గొన్నారు. ఈ సందర్భంగా ఆయన మాట్లాడుతూ.. కేంద్ర ప్రభుత్వంపై విమర్శలు గుప్పించారు. 

రుణ సమస్యల నుంచి బయటపడేందుకు కేంద్రప్రభుత్వం, రిజర్వ్‌ బ్యాంక్‌ ఆఫ్‌ ఇండియా చేపట్టిన తాత్కాలిక చర్యలు.. దీర్ఘకాలంలో చిన్న, మధ్యతరహా పరిశ్రమలపై పెను ప్రభావం చూపనున్నాయని ఆయన ఆందోళన వ్యక్తం చేశారు. 2016లో కేంద్రం ఏకపక్షంగా తీసుకున్న నోట్ల రద్దు నిర్ణయం కారణంగా దేశంలో నిరుద్యోగం పెరుగుతోందని, అసంఘటిత రంగంలో వృద్ధి నెమ్మదిస్తోందని  ఆరోపించారు. ‘‘సమాఖ్య విధానం, రాష్ట్రాలతో నిరంతర సంప్రదింపులే దేశ ఆర్థిక, రాజకీయతత్వానికి మూలసంభాలు. రాజ్యాంగం కూడా ఇదే చెబుతోంది. కానీ ప్రస్తుత కేంద్ర ప్రభుత్వం ఈ విధానాలకు ఏ మాత్రం అనుకూలంగా లేదు’’ అని మాజీ ప్రధాని విమర్శించారు. ఈ సదస్సులో కాంగ్రెస్‌ అధినేత్రి సోనియాగాంధీ కూడా వర్చువల్‌గా పాల్గొన్నారు.


ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని