Sudan coup: సూడాన్‌కు అమెరికా భారీ షాక్‌.. ఏం చేసిందంటే?

తాజా వార్తలు

Published : 26/10/2021 14:58 IST

Sudan coup: సూడాన్‌కు అమెరికా భారీ షాక్‌.. ఏం చేసిందంటే?

వాషింగ్టన్‌: సూడాన్‌లో తాజాగా ప్రభుత్వంపై తిరుగుబాటు చేసిన సైన్యం.. తాత్కాలిక ప్రధాని అబ్దుల్లా హమ్‌డోక్‌ సహా పలువురు అధికారులను నిర్బంధించిన విషయం తెలిసిందే. ఈ తిరుగుబాటుకు వ్యతిరేకంగా ప్రజలు ఆందోళనలు చేపడుతున్నారు. ఈ క్రమంలో పరిస్థితులు ఉద్రిక్తంగా మారాయి. ఇదిలా ఉండగా.. తాజాగా అమెరికా ఈ తిరుగుబాటు చర్యను తీవ్రంగా ఖండించింది. ఈ క్రమంలో సూడాన్‌కు 700 మిలియన్ డాలర్ల ఆర్థిక సాయాన్ని నిలిపివేస్తున్నట్లు ప్రకటించింది. సూడాన్‌ ప్రధానితోపాటు అరెస్టు చేసిన వారందరినీ తక్షణమే విడుదల చేయాలని డిమాండ్‌ చేసింది. దేశంలో ప్రజా అధికారాన్ని పునరుద్ధరించాలని సూచించింది. అయితే.. ప్రస్తుతానికి నిలిపివేసిన 700 మిలియన్ డాలర్లతోపాటు సూడాన్‌కు అమెరికా ఎంత సాయం అందచేయనుందో పూర్తి వివరాలు తెలియరాలేదు.

‘ఆంక్షలు విధించేందుకు వెనుకాడబోం..’

ఈ వ్యవహారంపై అమెరికా అధికార ప్రతినిధి నెడ్ ప్రైస్ మాట్లాడుతూ.. తిరుగుబాటు అనేది సూడాన్‌ పౌరుల ప్రజాస్వామ్య ఆకాంక్షలకు తూట్లుపొడవడమేనని, దేశ రాజ్యాంగ విధానాలను ఉల్లంఘించడమేనని స్పష్టం చేశారు. ఆందోళనకారులపై హింసాత్మక ధోరణి అవలంబించొద్దని, వారిపై ఆయుధాలు ప్రయోగించవద్దని కోరారు. స్థానిక పరిణామాలను నిశితంగా గమనిస్తున్నామని, బలవంతంగా ఏది చేసినా.. అది ఇరు దేశాల మధ్య ఆర్థిక, ద్వైపాక్షిక సంబంధాలను మరింత దెబ్బతీస్తుందని హెచ్చరించారు. ‘ఉగ్రవాదానికి నిధులు సమకూర్చుతున్న దేశాల జాబితా’ నుంచి సూడాన్‌ను అమెరికా గతేడాది తొలగించింది. తాజాగా.. మరోసారి ఈ తరహా ఆంక్షలు విధించేందుకు వెనుకాడబోమన్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని