H-1B Visas: వారికి మరో అవకాశం.. రెండోసారి లాటరీ పద్ధతిలో ఎన్నిక

తాజా వార్తలు

Published : 30/07/2021 15:51 IST

H-1B Visas: వారికి మరో అవకాశం.. రెండోసారి లాటరీ పద్ధతిలో ఎన్నిక

వాషింగ్టన్‌: ఈ ఏడాది హెచ్‌-1బి వీసాల ర్యాండమ్ ఎంపికలో అవకాశం దక్కని వారికి అమెరికా మరో అవకాశం కల్పించనుంది. దరఖాస్తుదారుల కోసం రెండో లాటరీ తీయనున్నట్లు అమెరికా సిటిజన్‌షిప్ అండ్ ఇమ్మిగ్రేషన్ సర్వీసెస్ (యూఎస్‌సీఐఎస్‌) ప్రకటించింది. ఈ ఏడాది మొదట్లో నిర్వహించిన కంప్యూటరైజ్డ్‌ డ్రాలో సరిపడినన్ని వీసాలు జారీ చేయని కారణంగా మరోసారి లాటరీ తీయాలని నిర్ణయించినట్లు యూఎస్‌సీఐఎస్‌ తెలిపింది. ఫలితంగా హెచ్‌-బి వీసాల కోసం ఎదురుచూస్తున్న వందలాది భారతీయ ఐటీ ఉద్యోగులకు మరో అవకాశం దక్కనుంది.

ఇప్పటికే సమర్పించిన ఎలక్ట్రానిక్‌ రిజిస్ట్రేషన్లను ఈనెల 28న ర్యాండమ్ పద్ధతిలో ఎంపిక చేసినట్లు అమెరికా ఇమ్మిగ్రేషన్ సేవల సంస్థ వెల్లడించింది. ఈనెల 28న ఎంపిక చేసిన రిజిస్ట్రేషన్లకు సంబంధించిన పిటిషన్ ఫైలింగ్ గడువు ఆగస్టు 2వ తేదీన ప్రారంభమై, నవంబర్ 3న ముగియనుంది. హెచ్‌-1బి పిటిషన్ల కోసం ఆన్‌లైన్ ఫైలింగ్ అందుబాటులో లేదు. దరఖాస్తుదారులు కాగితం ద్వారానే ఈ ప్రక్రియను పూర్తిచేయాల్సి ఉంటుంది.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని