Kerala: వర్షంలో గొడుగు పట్టుకున్నారా?.. ఫైన్‌ కట్టాల్సిందే..!

తాజా వార్తలు

Published : 18/10/2021 23:11 IST

Kerala: వర్షంలో గొడుగు పట్టుకున్నారా?.. ఫైన్‌ కట్టాల్సిందే..!

తిరువనంతపురం: వర్షంలో గొడుగు పట్టుకుంటే ఫైన్‌ కట్టడమేంటి అనుకుంటున్నారు. అవును.. నిజమే. కేరళ ప్రభుత్వం ఓ కొత్త నిబంధనను తీసుకొచ్చింది. అయితే ట్రాఫిక్‌లో గొడుగు పట్టుకొని వెళ్లే ద్విచక్ర వాహనదారులకు మాత్రమే ఈ నిబంధన వర్తిస్తుంది. ట్రాఫిక్‌ ఉన్న సమయంలో ద్విచక్ర వాహనదారులు గొడుగు పట్టుకొని వెళ్లడం ద్వారా రోడ్డు ప్రమాదాలు జరుగుతున్నట్లు ప్రభుత్వం పేర్కొంది. ప్రస్తుతం తీసుకొచ్చిన నిబంధన వింతగా అనిపించినప్పటికీ.. ఈ నిబంధనతో వర్షాకాలంలో ప్రయాణికులు, పాదచారులు ప్రమాదాల బారిన పడకుండా ఉంటారు.

ప్రస్తుతం కేరళలో వర్షాలు బీభత్సం సృష్టిస్తున్నాయి. వరదల ధాటికి పలు జిల్లాలు జలమయమయ్యాయి. కొండచరియలు విరిగిపడి పదుల సంఖ్యలో ప్రాణాలు కోల్పోయారు. అయితే ఈ వర్షాల నేపథ్యంలో అనేకమంది ద్విచక్ర వాహనదారులు గొడుగులు పట్టుకొనే ప్రయాణం చేస్తున్నారు. ఈ తరహా ప్రయాణాలు ప్రమాదాలకు దారితీస్తాయని ప్రభుత్వం హెచ్చరిస్తోంది. గొడుగు పట్టుకొని వెళ్లేవారి కారణంగా.. వారితోపాటు సమీపం నుంచి వెళ్లేవారికి, పాదచారులకు ప్రమాదకరమని తెలిపింది. ఈ నేపథ్యంలోనే తాజా నిబంధనను అమలు చేస్తున్నట్లు స్పష్టం చేసింది. తాజా నిబంధనను కఠినంగా అమలు చేయాలంటూ ట్రాఫిక్‌ ఉన్నతాధికారులకు ఆ రాష్ట్ర రవాణా కమిషనర్‌ లేఖలు రాశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని