White House: టీకాలు తీసుకుంటేనే అమెరికాలోకి అనుమతి

తాజా వార్తలు

Published : 16/10/2021 02:18 IST

White House: టీకాలు తీసుకుంటేనే అమెరికాలోకి అనుమతి

వాషింగ్టన్‌: కరోనా వైరస్‌ కారణంగా అంతర్జాతీయ ప్రయాణికులపై విధించిన ఆంక్షలను అమెరికా సడలించింది. ఇప్పటివరకు అత్యవసరమైతే తప్ప విదేశీ ప్రయాణికులను అనుమతించని అగ్రరాజ్యం.. ఇకపై ఎలాంటి కారణాలు లేకపోయినా అనుమతించనుంది. ఈ మేరకు వైట్‌హౌస్‌ శుక్రవారం నూతన నిబంధనలు ప్రకటించించింది. టీకా రెండు డోసులు తీసుకున్న విదేశీయులను నవంబర్‌ 8 నుంచి తమ దేశంలోకి అనుమతించనున్నట్లు ఓ ప్రకటన ద్వారా వెల్లడించింది. వ్యాక్సినేషన్‌ పూర్తి చేసుకున్న స్వదేశీయులు కూడా దేశంలో ఎక్కడికైనా ప్రయాణించవచ్చని స్పష్టం చేసింది.

కొవిడ్‌ కారణంగా దాదాపు 19నెలల తర్వాత కెనడా, మెక్సికో దేశాలతో ఉన్న సరిహద్దులను అమెరికా తాత్కాలికంగా మూసివేయగా దాన్ని తెరవనున్నట్లు ఇటీవలే ప్రకటించింది. సరిహద్దుల మూసివేతతో ఆయా దేశాల మధ్య రాకపోకలు పూర్తిగా నిలిచిపోయాయి. ఫలితంగా పర్యాటకంపై తీవ్ర ప్రభావం పడింది. ప్రస్తుతం ఈ సరిహద్దులు తెరుచుకోవడం ద్వారా పర్యాటకం మళ్లీ పుంజుకుంటుందని అధికారులు ఆశాభావం వ్యక్తం చేస్తున్నారు. అయితే ప్రయాణికులు పూర్తిస్థాయిలో వ్యాక్సిన్  వేయించుకోవాలని.. అలాంటి వారికి క్వారంటైన్ అవసరం ఉండదని అగ్రరాజ్యం స్పష్టం చేసింది. ప్రయాణికులు టీకా ధ్రువపత్రం, కొవిడ్‌ నెగెటివ్ ధ్రువపత్రాలు తీసుకురావాలని పేర్కొంది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని