₹72లక్షల మద్యం దుకాణం ₹510 కోట్లు పలికింది!

తాజా వార్తలు

Updated : 08/03/2021 16:35 IST

₹72లక్షల మద్యం దుకాణం ₹510 కోట్లు పలికింది!

జయపుర: రాజస్థాన్‌లో ఓ మద్యం దుకాణం ఎవరూ ఊహించనంత ధర పలికింది. కేవలం రూ.లక్షలు విలువ చేసే ఈ దుకాణాన్ని వేలంలో పాల్గొన్న ఇద్దరు వ్యక్తులు రూ.510కోట్లకు సొంతం చేసుకున్నారు. వివరాల్లోకి వెళ్తే.. రాజస్థాన్‌ ప్రభుత్వం రాష్ట్రవ్యాప్తంగా ఉన్న ఏడు వేలకుపైగా మద్యం దుకాణాలను ఈ-వేలం వేయాలని నిర్ణయించింది. ఈ మేరకు ఆన్‌లైన్‌లో వేలంపాట నిర్వహిస్తోంది. ఇందులో భాగంగా హనుమాన్‌‌ఘఢ్‌ జిల్లాలోని నోహార్‌ నగరంలో ఉన్న ఒక మద్యం దుకాణానికి ఎక్సైజ్‌ శాఖ రూ.72 లక్షలు బేస్‌ ధరగా నిర్ణయించి వేలం మొదలుపెట్టింది. కాగా.. పలువురు వ్యాపారులు వేలంపాటలో చురుగ్గా పాల్గొని రూ.లక్షలు నుంచి రూ. కోట్లకు వేలం పాడటం ప్రారంభించారు. ఉదయం 11 గంటలకు మొదలైన వేలంపాట అర్ధరాత్రి 2 గంటల వరకు కొనసాగింది. చివరికి ఈ మద్యం దుకాణం ధర అత్యధికంగా రూ.510కోట్లు పలికింది. ఇది బేస్‌ ధర కంటే 708 రెట్లు అధికం. స్థానికంగా ఉండే ఒకే కుటుంబానికి చెందిన ఇద్దరు మహిళలు ఈ వేలం పాడి మద్యం దుకాణాన్ని దక్కించుకున్నారు. ఇంత భారీ మొత్తం వస్తుందని ఎక్సైజ్‌ అధికారులు సైతం ఊహించలేదట. గతేడాది ఇదే మద్యం దుకాణం రూ.65లక్షలకే లాటరీ పద్ధతిలో కేటాయించినట్లు అధికారులు తెలిపారు. గతంలో మద్యం దుకాణాలను లాటరీ పద్ధతిలో కేటాయించగా.. ప్రస్తుత ప్రభుత్వం ఆన్‌లైన్‌ ద్వారా వేలం నిర్వహించి కేటాయిస్తోంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని