భారత్‌లో అందుబాటులోకి మరో వ్యాక్సిన్‌.. జైకొవ్‌-డి టీకాకు అనుమతి

తాజా వార్తలు

Published : 20/08/2021 20:23 IST

భారత్‌లో అందుబాటులోకి మరో వ్యాక్సిన్‌.. జైకొవ్‌-డి టీకాకు అనుమతి

దిల్లీ: దేశంలో మరో కరోనా వ్యాక్సిన్‌ అందుబాటులోకి వచ్చింది. గుజరాత్‌కు చెందిన ఫార్మా సంస్థ జైడస్‌ క్యాడిలా అభివృద్ధి చేసిన జైకొవ్‌-డి టీకా అత్యవసర వినియోగానికి భారత ఔషధ నియంత్రణ సంస్థ (డీసీజీఐ) శుక్రవారం అనుమతి మంజూరు చేసింది. దేశంలో 12 ఏళ్లు దాటిన వారికి అందుబాటులోకి వచ్చిన తొలి టీకా ఇదే. జైకొవ్‌-డి ప్రపంచంలోనే తొలి డీఎన్‌ఏ ఆధారిత టీకా కావడం విశేషం.

జైకొవ్‌-డి టీకా అత్యవసర వినియోగ అనుమతుల కోసం జైడస్‌ క్యాడిలా జులై 1న దరఖాస్తు చేసుకుంది. తాజాగా అత్యవసర వినియోగానికి డీసీజీఐకు నిపుణుల కమిటీ సిఫార్సు చేసింది. ఈ టీకాకు 66.6 శాతం సమర్థత ఉన్నట్లు మధ్యంతర పరిశీలనలో తేలింది. 0-28-56 రోజుల్లో మూడు డోసుల్లో ఈ టీకా తీసుకోవాల్సి ఉంటుంది. ఇప్పటికే కొవాగ్జిన్‌, కొవిషీల్డ్‌, స్పుత్నిక్‌ వి టీకాల పంపిణీ జరుగుతుండగా.. అమెరికాకు చెందిన మోడెర్నా, జాన్సన్‌ అండ్‌ జాన్సన్‌ టీకాల వినియోగానికి కూడా కేంద్రం ఇటీవల గ్రీన్‌ సిగ్నల్‌ ఇచ్చింది. తాజాగా ఈ జాబితాలో జైకోవ్‌-డి చేరింది. దీంతో దేశంలో అనుమతులు లభించిన వ్యాక్సిన్ల సంఖ్య ఆరుకు చేరింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని