నవాజ్‌ షరీఫ్‌.. దోషి!

ప్రకటించిన పాకిస్థాన్‌ న్యాయస్థానం

ఇస్లామాబాద్‌: పాకిస్థాన్‌ మాజీ ప్రధానమంత్రి నవాజ్‌ షరీఫ్‌ని దోషిగా ఇస్లామాబాద్‌ హైకోర్టు బుధవారం ప్రకటించింది. రెండు అవినీతి కేసులకు సంబంధించి మళ్లీ-మళ్లీ సమన్లు పంపించినా కోర్టు ముందు హాజరు కాకపోవడంతో ద్విసభ్య ధర్మాసనం ఈ నిర్ణయాన్ని వెల్లడించింది. తమ ఆదేశాల ప్రకారం.. ఆయన్ను కోర్టు ఎదుట హాజరుపర్చకపోవడంపై కారణాలు తెలపాలని షరీఫ్‌ పూచీకత్తుదారులకు న్యాయస్థానం నోటీసులు జారీ చేసింది. షరీఫ్‌కి సమన్ల గురించి ఎప్పటికప్పుడు తెలియజేసినట్లు అంతర్గత మంత్రిత్వ శాఖ, విదేశీ కార్యాలయ అధికారులు కోర్టుకు తెలిపారు.