close

ప్రధానాంశాలు

Published : 08/04/2021 04:35 IST
Facebook Share Twitter Share WhatsApp Share Telegram Share

శరత్‌కుమార్‌, రాధిక దంపతులకు ఏడాది జైలు

చెక్‌బౌన్స్‌ కేసులో చెన్నై   ప్రత్యేక న్యాయస్థానం తీర్పు

ఈనాడు డిజిటల్‌, చెన్నై: చెక్‌బౌన్స్‌ కేసులో నటుడు, సమత్తువ మక్కల్‌ కట్చి అధ్యక్షుడు శరత్‌కుమార్‌, ఆయన భార్య రాధికకు తలో ఏడాది జైలుశిక్ష విధిస్తూ చెన్నై ప్రజాప్రతినిధుల ప్రత్యేక న్యాయస్థానం బుధవారం తీర్పునిచ్చింది. అనంతరం శరత్‌కుమార్‌కు విధించిన శిక్షను నిలుపుదల చేయగా... రాధికకు నేరుగా హాజరు కాలేదన్న కారణంగా పీటీ వారెంటు జారీ అయింది. దీనిపై శరత్‌కుమార్‌ మాట్లాడుతూ అప్పీల్‌కు వెళ్లనున్నట్లు తెలిపారు. శరత్‌కుమార్‌, రాధిక భాగస్వాములుగా ఉన్న మేజిక్‌ ఫ్రేమ్స్‌ అనే సంస్థ తరఫున రేడియన్స్‌ అనే ప్రైవేటు సంస్థ నుంచి 2014లో రూ.1.50 కోట్లు రుణంగా పొందారు. అందుకు శరత్‌కుమార్‌, రాధికలు 2017లో ఏడు చెక్కులను రేడియన్స్‌ సంస్థకు ఇచ్చారు. ఇవి బౌన్స్‌ కావడంతో కేసు దాఖలైంది. విచారణ పూర్తయిన నేపథ్యంలో శరత్‌కుమార్‌, రాధిక, మేజిక్‌ ఫ్రేమ్స్‌ సంస్థ భాగస్వామి లిస్టన్‌ స్టీఫెన్‌కు ఏడాది జైలుశిక్ష విధిస్తూ తీర్పు వెలువరించారు. విక్రమ్‌ప్రభు, కీర్తి సురేష్‌ హీరోహీరోయిన్లుగా ‘ఇదు ఎన్నమాయం’ అనే చిత్రాన్ని నిర్మించాలని వీరు భావించారు. ఇందుకోసం రూ.1.50 కోట్లు రుణాన్ని పొందారు. 2015 మార్చిలో నగదు తిరిగి ఇస్తామని, ఆ తర్వాతే చిత్రం విడుదల చేస్తామని హామీ ఇచ్చారు. దానికి విరుద్ధంగా వ్యవహరించడంతో బాధిత సంస్థ కోర్టును ఆశ్రయించింది.



Tags :

మరిన్ని

జిల్లా వార్తలు
మరిన్ని

దేవతార్చన