మన భూభాగాల నుంచి చైనాను ఎప్పుడు గెంటేస్తారు?

ప్రధానాంశాలు

Published : 15/10/2021 05:35 IST

మన భూభాగాల నుంచి చైనాను ఎప్పుడు గెంటేస్తారు?

అమిత్‌ షాను ప్రశ్నించిన కాంగ్రెస్‌

దిల్లీ: మన దేశ భూభాగాల్లోకి చొచ్చుకు వచ్చిన చైనాను ఎప్పటిలోగా వెనక్కి పంపించివేస్తారో తెలపాలని కేంద్ర హోంమంత్రి అమిత్‌ షాను కాంగ్రెస్‌ పార్టీ ప్రశ్నించింది. గొప్పలు చెప్పుకోవడంతో సరిపుచ్చకుండా మన దేశానికి అంతర్గత, బాహ్య శక్తుల నుంచి పొంచి ఉన్న ముప్పును తొలగించడంపై దృష్టిసారించాలని ఆ పార్టీ ముఖ్య అధికార ప్రతినిధి రణదీప్‌ సుర్జేవాలా సూచించారు. అయిదేళ్ల క్రితం పాకిస్థాన్‌ భూభాగాలపై జరిపిన మెరుపు దాడులతో మన సరిహద్దుల్లో జోక్యంచేసుకొనే వారికి గట్టి హెచ్చరిక చేసినట్లయ్యిందని గురువారం పణజీలో అమిత్‌ షా చేసిన వ్యాఖ్యలను ఆయన ఈ సందర్భంగా ప్రస్తావించారు. చైనా పేరు పలకటానికే మోదీ ప్రభుత్వం భయపడుతోందని ఎద్దేవా చేశారు. చైనా సైనికులు దాదాపు 900 కి.మీ.మేర భారత భూగాలను అక్రమంగా ఆక్రమించారని, వారిని ఖాళీ చేయించడానికి తుది గడువును ప్రకటించాలని అమిత్‌ షాను సుర్జేవాలా కోరారు.



Advertisement

Tags :

మరిన్ని

జిల్లా వార్తలు
మరిన్ని

దేవతార్చన