close

తాజా వార్తలు

సందర్శకుల స్వర్గం!

మహా నగరం
నీస్‌

నగరం: నీస్‌
దేశం: ఫ్రాన్స్‌
విస్తీర్ణం: 71.92 చదరపు కిలోమీటర్లు
జనాభా: దాదాపు మూడున్నర లక్షలు
* దీనికి నీస్‌ లా బెల్లే అనే ముద్దు పేరు కూడా ఉంది. ‘నీస్‌ అందమైనది’ అని దీనర్థం.
* ఐరోపాలోని పురాతనమైన నగరాల్లో ఇదీ ఒకటి. క్రీస్తుపూర్వం 350లోనే గ్రీకులు ఇక్కడ ఆవాసాలు ఏర్పర్చుకున్నారు.
* ఇక్కడి ప్రకృతి సోయగాల్ని చూడ్డానికి ఎక్కడెక్కడి నుంచో పర్యటకులు వస్తుంటారు. వీరి సంఖ్య ఏటా ఇంచుమించు 40 లక్షలు. అంతేకాదూ... వేల ఏళ్ల క్రితమే ఇక్కడికి పర్యటకుల రాక మొదలయ్యింది.
* ఈ నగరం ఇటలీకి దగ్గర్లో ఉంటుంది. ఈ నగర చరిత్రలో ఇటలీ పాత్ర చాలానే ఉంటుంది. అందుకే ఇక్కడి జనాభా ఇటాలియన్‌ కూడా మాట్లాడతారు. హోటళ్లు, రెస్టారెంట్లలో ఇటాలియన్‌ రుచులు దొరుకుతుంటాయి. స్కూళ్లలో ఇంగ్లిషుతో పాటు ఇటాలియన్‌ భాష కూడా నేర్చుకుంటారు.
* చాలాకాలం పాటు ఇటలీ భూభాగంలో ఉండేది ఈ నగరం. 1860లో ఫ్రాన్స్‌లో భాగమయ్యింది.
* విజయానికి ప్రతీకగా ఉండే గ్రీకు దేవత నీక్‌ పేరు మీదుగా ఈ నగరానికీ పేరొచ్చింది.
* ఇక్కడి ఫైనిక్స్‌ పార్క్‌ ఫ్లోరా ఐరోపాలోనే అతిపెద్ద గ్రీన్‌ హౌస్‌. దీంట్లో 2,500 రకాల జాతుల మొక్కలు ఉన్నాయి.
* ప్రసిద్ధ చిత్రకారుడు పికాసో, ప్రముఖ రచయిత ఫిట్జిరాల్డ్‌ ఈ నగరంలో నివసించినవారే.
* నీస్‌...  మధ్యధరా సముద్ర తీరంలో ఉండే అందమైన నగరం. జనాభా పరంగా ఫ్రాన్స్‌లో అయిదో అతి పెద్ద నగరం.
* ఫ్రాన్స్‌లో ఎక్కువ మ్యూజియాలున్న నగరాల్లో ఇదీ ఒకటి.

* ఏటా ఫిబ్రవరి నెల మధ్యలో రెండు వారాల పాటు భారీ ఎత్తున కార్నివాల్‌ జరుగుతుంది. వేలాది మంది సంగీతకళాకారులు, డ్యాన్సర్లు వస్తుంటారు. దేశదేశాల నుంచి లక్షల మంది సందర్శకులు వస్తుంటారు. ఈ వేడుకను 1294వ సంవత్సరం నుంచి ఘనంగా నిర్వహిస్తున్నారు.

* ఈ నగరంలోని సముద్ర తీరాలు నున్నని రాళ్లతో భలే అందంగా ఉంటాయి. వీటిని రాక్‌ఫిల్ల్‌డ్‌ బీచ్‌లు అంటారు. 

* ఫ్రాన్స్‌ మొత్తంలో ట్రాఫిక్‌లైట్లు ఈ నగరంలోనే ఎక్కువ. 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.