ముంబయి: జపాన్‌ ఇన్వెస్ట్‌మెంట్‌ బ్యాంకింగ్‌ దిగ్గజం సాఫ్ట్‌బ్యాంక్‌  భారతీ ఎయిర్‌టెల్‌లో వాటాలు కొనుగోలు చేసేందుకు ప్రయత్నాలు ప్రారంభించింది. ఈ వాటాలను ప్రత్యక్షంగా కానీ, లేదా పరోక్షంగా కొనుగోలు చేసే అవకాశం ఉంది. ఇప్పటికే దీనికి సంబంధించి విస్తృతంగా చర్చలు జరుగుతున్నాయి. తన హోల్డింగ్‌ కంపెనీ ద్వారా ఈ వాటాలను కొనే అవకాశం ఉంది. ఈ వచ్చిన సొమ్మును భారతీ ఎయిర్‌ టెల్‌ వ్యాపారంలో పెట్టుబడిగా పెట్టే అవకాశం ఉంది. 
ప్రస్తుతం ఈ ప్రతిపాదనలు చర్చల దశలోనే ఉండటంతో ఒక నిర్ణయం వెలువడే వరకు కొనుగోలు జరుగుతుందని కచ్చితంగా చెప్పలేని పరిస్థితి నెలకొంది. ప్రస్తుతానికి సాఫ్ట్‌బ్యాంక్‌ స్టార్టప్‌ల్లో , లేదా ప్రీఇనీషియల్‌ పబ్లిక్‌ ఆఫర్లలో పెట్టుబడులు పెట్టేందుకు ఆసక్తి చూపుతోంది. దీనిపై ఎయిర్‌టెల్‌, సాఫ్ట్‌బ్యాంక్‌ వ్యాఖ్యానించేందుకు నిరాకరించాయి.