యువతి రాసిన లేఖ

రంగోయి(కాశీబుగ్గ), న్యూస్‌టుడే: ‘ఇంటర్మీడియట్‌ నుంచి ప్రేమించుకుంటున్నాం..కలిసి బతకాలనుకున్నాం..కాని ఇప్పుడు నేను తనకి నచ్చట్లేదు. ప్రేమించిన వ్యక్తి నరకం చూపిస్తాడనుకోలేదు. నేను చనిపోతే ఎవరికీ ఎటువంటి సమస్య ఉందదు. అందరూ సంతోషంగా ఉంటారు’ అని లేఖ రాసి ఓ యువతి(25) బలవన్మరణం చెందింది. కాశీబుగ్గ సీఐ ఆర్‌.వేణుగోపాల్‌ తెలిపిన వివరాల ప్రకారం...పలాస మండలానికి చెందిన ఓ యువతి గ్రామ సమీపంలోని బావిలో పడి ఆత్మహత్యకు పాల్పడింది. మందస మండలానికి చెందిన తులసీదాస్‌, యువతి గత కొన్నేళ్లుగా ప్రేమించుకుంటున్నారు. తులసీదాస్‌ సీఆర్‌పీఎఫ్‌ కానిస్టేబుల్‌గా బిహార్‌లో విధులు నిర్వర్తిస్తున్నాడు. వివాహం చేసుకుంటానని చెప్పి తులసీదాస్‌ మోసం చేయడంతో మనస్తాపానికి గురై ఈ నెల 12వ తేదీ సాయంత్రం బావిలో దూకి ఆత్మహత్యకు పాల్పడిందని పోలీసులు చెప్పారు. ఆదివారం సాయంత్రం మృతదేహం బావిలో తేలడంతో విషయం వెలుగులోకి వచ్చింది. మృతురాలి కుటుంబీకులు ఇచ్చిన ఫిర్యాదు మేరకు కేసు నమోదు చేశామని సీఐ పేర్కొన్నారు.