ముంబయి: దేశీయ మార్కెట్లు బుధవారం లాభాల్లో పయనిస్తున్నాయి. ఉదయం 9.50గంటలకు బాంబే స్టాక్‌ ఎక్స్ఛేంజీ సూచీ సెన్సెక్స్‌ 98పాయింట్లు లాభపడి 39,927వద్ద కొనసాగుతుండగా.. నిఫ్టీ 35పాయింట్లు ఎగబాకి 11,822 వద్ద ట్రేడవుతోంది. ప్రారంభ ట్రేడింగ్‌లో ఓ దశలో సెన్సెక్స్‌ 268 పాయింట్లు ఎగబాకి 40,000 మార్క్‌ను దాటడం విశేషం. డాలరుతో రూపాయి మారకం విలువ 70.48 వద్ద కొనసాగుతోంది.  

జీ ఎంటర్‌టైన్‌మెంట్స్‌, భారతీ ఇన్‌ఫ్రాటెల్‌, ఇన్ఫోసిస్‌, ఐఓసీ, బీపీసీఎల్‌ షేర్లు లాభాల్లో పయనిస్తుండగా.. టాటా మోటార్స్, సిప్లా, ఐషర్‌ మోటార్స్‌, ఇండస్‌ఇండ్‌ బ్యాంక్‌, యస్‌ బ్యాంక్‌ షేర్లు నస్టాల్లో ట్రేడవుతున్నాయి.