న్యూదిల్లీ: గల్ఫ్‌ ఎయిర్‌వేస్‌తో ఒక అవగాహన పత్రంపై స్పైస్‌ జెట్‌ నేడు సంతకం చేసింది. ఈ ఒప్పందంతో రెండు సంస్థల మధ్య బలమైన సమన్వయం సాధ్యమవుతుందని స్పైస్‌జెట్‌ పేర్కొంది. ఈ ఒప్పందం ప్రకారం రెండు విమానయాన సంస్థలు ఇంటర్‌లైన్‌, కోడ్‌ షేరింగ్‌, రవాణ సేవల్లో సమన్వయం, ఇంజినీరింగ్‌ సేవలను, పైలట్‌ ట్రైనింగ్‌ వంటి అంశాల్లో పరస్పరం సహకరించుకోనున్నాయి. 
‘‘ఈ భాగస్వామ్యం రెండు సంస్థలకు ప్రయోజనకరంగా ఉంటుంది. భవిష్యత్తులో ఇది ప్రయాణికులకు కూడా ప్రయోజనకరంగా ఉంటుంది. మధ్యప్రాచ్యం మాకు చాలా కీలకమైంది’’ అని స్పైస్‌జెట్‌ ఛైర్మన్‌, ఎండీ అజేయ్‌ సింగ్‌ వెల్లడించారు. ప్రస్తుతం స్పైస్‌జెట్‌ 630 జాతీయ, అంతర్జాతీయ రోజువారీ సర్వీసులను నడుపుతోంది. ప్రస్తుతం ఈ సంస్థ వద్ద 118 విమానాలు ఉన్నాయి. వీటిల్లో 82 బోయింగ్ 737, 32 బంబార్డియర్‌ క్యూ-400, నాలుగు బీ737 బోయింగ్‌లు ఉన్నాయి.