‘భలే మంచి రోజు’, ‘శమంతకమణి’, ‘దేవదాస్‌’ చిత్రాలతో హ్యాట్రిక్‌ విజయాల్ని అందుకున్నాడు శ్రీరామ్‌ ఆదిత్య. ఇప్పుడు శర్వానంద్‌తో ఓ సినిమా చేయడానికి సన్నాహాలు చేస్తున్నట్టు సమాచారం. ‘దేవదాస్‌’ కంటే ముందే వీరి కాంబినేషన్‌లో ఓ సినిమా వస్తుందని ప్రచారం జరిగింది. కానీ అది కుదర్లేదు. ఈసారి మాత్రం శర్వానంద్‌ శ్రీరామ్‌పై భరోసా  పెట్టాడని తెలుస్తోంది. ప్రస్తుతం శర్వానంద్‌ సుధీర్‌వర్మ దర్శకత్వంలో నటిస్తున్నాడు. చిత్రీకరణ పూర్తి కావొచ్చింది. శనివారం ఫస్ట్‌లుక్‌ని విడుదల చేయనున్నారు. ఈ సినిమా పూర్తయ్యాక శ్రీరామ్‌ ఆదిత్య స్క్రిప్టుని సెట్స్‌పైకి తీసుకెళ్లే అవకాశాలున్నాయి. పూర్తి  వివరాలు త్వరలో తెలుస్తాయి. .